Vatan himoyachilari kuni munosabati bilan 47-maktabda ma’naviy-ma’rifiy tadbir o‘tkazildi
2026-01-14 09:00:00 / Yangiliklar
Qurolli Kuchlar tashkil topganligining 34 yilligi hamda 14-yanvar — Vatan himoyachilari kuni munosabati bilan Farg‘ona tumani 47-umumiy o‘rta ta’lim maktabida ma’naviy-ma’rifiy tadbir tashkil etildi.
Tadbir Respublika Ma’naviyat va ma’rifat markazining Farg‘ona tuman bo‘linmasi, Maktabgacha va maktab ta’limi bo‘limi hamda O‘zbekiston Respublikasi DXX Chegara qo‘shinlari 9229-harbiy qismining 8-posti hamkorligida tashkil etildi. Unda maktabning o‘qituvchi va o‘quvchi yoshlari ishtirok etib, yosh avlod qalbida vatanparvarlik tuyg‘ularini mustahkamlash, harbiy xizmatga bo‘lgan hurmatni oshirish hamda avlodlar o‘rtasidagi ma’naviy bog‘liqlikni kuchaytirishga alohida e’tibor qaratildi.
Tadbir doirasida boshlang‘ich sinf o‘quvchilari tomonidan “Vatan himoyasi — muqaddas burch” shiori ostida tayyorlangan sahna chiqishlari namoyish etildi. Shundan so‘ng harbiy xizmatchilar tomonidan o‘quvchi yoshlar uchun harbiy qurol-aslahalar hamda xizmat itlari ishtirokida ko‘rgazmali namoyishlar tashkil etildi.
Tadbir davomida so‘zga chiqqanlar Vatanga sadoqat, jasorat va fidoyilik kabi yuksak fazilatlar yoshlar tarbiyasida muhim o‘rin tutishini ta’kidlab, bunday uchrashuvlar yosh avlod qalbida vatanparvarlik hissiyotlarini yanada mustahkamlashga xizmat qilishini alohida qayd etdilar.