Xalq deputatlari Farg‘ona tuman Kengashi huzuridagi doimiy komissiyalar yig‘ilishi bo‘lib o‘tdi
2026-01-13 11:00:00 / Yangiliklar
Farg‘ona tuman hokimligining katta majlislar zalida Xalq deputatlari Farg‘ona tuman Kengashi huzuridagi doimiy komissiyalarning navbatdagi yig‘ilishi o‘tkazildi. Yig‘ilishda doimiy komissiyalar a’zolari hamda mas’ul tashkilotlar vakillari ishtirok etdilar.
Yig‘ilish davomida O‘zbekiston Respublikasi Prezidenti Shavkat Mirziyoyevning Oliy Majlisga yo‘llagan Murojaatnomasida belgilangan ustuvor vazifalar atroflicha muhokama qilindi. Xususan, inson qadrini ulug‘lash, qonun ustuvorligini ta’minlash, jamiyatda adolatli munosabatlarni qaror toptirish masalalariga alohida e’tibor qaratildi.
Shuningdek, yig‘ilishda tumandagi qonuniylik va jinoyatchilik holati, huquqbuzarliklarning oldini olish, jamoat tartibini saqlash, ijtimoiy-iqtisodiy rivojlanish masalalari muhokama qilindi. Bundan tashqari, “Tashabbusli budjet” jarayonining amalga oshirilishi hamda Xalq deputatlari Kengashi huzuridagi doimiy komissiyalar faoliyatiga oid masalalar ko‘rib chiqildi.
Yig‘ilish yakunida muhokama qilingan barcha masalalar yuzasidan tegishli qarorlar qabul qilinib, ularning ijrosi belgilangan tartibda nazoratga olinishi ta’kidlandi.