Farg‘ona tumanida “Yashil makon” loyihasi doirasida “Yoshlar bog‘i”da ko‘chat ekish tadbiri o‘tkazildi
2025-12-07 10:00:00 / Yangiliklar
“Yashil makon” umummilliy loyihasi ijrosini ta’minlash maqsadida Farg‘ona tumani “Yangi asr” mahalla fuqarolar yig‘ini hududidagi “Yoshlar bog‘i”da navbatdagi ko‘chat ekish tadbiri tashkil etildi. Tadbirda tuman Yoshlar ishlari bo‘limi hamda mahalladagi yoshlar yetakchilari faol ishtirok etdi.
Mazkur tashabbus hududda yashil maydonlarni kengaytirish, ekologik barqarorlikni ta’minlash, shuningdek, yoshlarni atrof-muhitga mas’uliyat bilan yondashishga chorlashga xizmat qiladi. Ko‘chat ekish ishlari “Yoshlar bog‘i”ni yanada ko‘rkam, qulay va ekologik jihatdan sog‘lom maskanga aylantirish yo‘lidagi amaliy qadamlardan biridir.