Farg‘ona tumanida “Yashil makon” loyihasi doirasida yangi “yashil bog‘” barpo etilmoqda
2025-12-06 13:00:00 / Yangiliklar
“Yashil makon” umummilliy loyihasi doirasida Farg‘ona tumani “Yoyilma” mahallasida yangi “yashil bog‘” barpo etish ishlari boshlab yuborildi. Ushbu tashabbus hududda yashil maydonlarni kengaytirish va ekologik muhitni yaxshilashga qaratilgan.
Tadbirlarda Farg‘ona tumani hokimligi, Qishloq xo‘jaligi bo‘limi, O‘simliklar karantini va himoyasi agentligining tuman bo‘limi, Fermerlar kengashi, Obodonlashtirish boshqarmasi, Veterinariya bo‘limi, hokim yordamchilari hamda mutasaddi tashkilotlar vakillari hamkorlikda ishtirok etib, tut ko‘chatlari ekdilar.