“Neftchi” futbol akademiyasi rahbariyati va ota-onalar uchrashuvi bo‘lib o‘tdi
2025-12-03 16:05:00 / Yangiliklar
Farg’ona tumanida muhim uchrashuv tashkil etilib, unda akademiya rahbariyati, murabbiylar jamoasi hamda yosh futbolchilarning ota-onalari ishtirok etdilar.
Tadbirning asosiy maqsadi — akademiya faoliyatida ochiqlik, shaffoflik va o‘zaro hamkorlikni yanada mustahkamlash, shuningdek, yosh futbolchilar tarbiyasi va rivojlanishida ota-onalar bilan samarali muloqot tizimini yo‘lga qo‘yishdan iborat bo‘ldi.
Uchrashuv davomida akademiyaning o‘quv-mashg‘ulot jarayonlari, sport infratuzilmasini yanada yaxshilash bo‘yicha olib borilayotgan ishlar, shuningdek, yosh futbolchilarning jismoniy, texnik va ma’naviy rivojlanishiga qaratilgan istiqbolli rejalar haqida batafsil ma’lumot berildi.