Farg‘ona tumanida Xalqaro ta’lim dasturi doirasida hamkorlik memorandumi imzolandi
2025-12-01 18:30:00 / Yangiliklar
Farg‘ona tumani Abu Ali ibn Sino nomidagi Jamoat salomatligi texnikumida Xalqaro ta’lim dasturi doirasida Koreyaning "SEJU TOURISM UNIVERSITY" bilan "Hamshiralik ishi" yo‘nalishi bo‘yicha 2+1 dasturini amalga oshirish maqsadida Hamkorlik Memorandumi imzolash bo‘yicha kelishuvga erishildi.
Har ikki tomon o‘z talablarini muhokama qilib, kelgusida amalga oshirilishi lozim bo‘lgan ishlar yuzasidan muzokaralar o‘tkazdi. Ushbu muzokarada quyidagi masalalar ko‘rib chiqildi:
2026-2027-oʻquv yilidan Xalqaro ta’lim dasturi doirasida o‘quvchilarni qabul qilish talablari;
— Hamshiralik ishi 2+1 dasturi bo‘yicha amaliyot va o‘qitish jarayonini tashkil etish;
— Farg‘ona tumani JSTda 2 yillik o‘qishni tamomlagan o‘quvchilarni 1 yil Koreya Respublikasida davom ettirish tartibi;
— Bitiruvchilarni ish bilan ta’minlash bo‘yicha amalga oshiriladigan chora-tadbirlar;
— O‘quvchilar uchun yaratilgan sharoitlarni o‘rganish maqsadida Farg‘ona tumani JST jamoasining Koreya Respublikasiga delegatsiya yuborilishi va akademik mobillikni amalga oshirish.
Mazkur hamkorlik memorandumi ikki mamlakat o‘rtasida ta’lim sohasidagi aloqalarni mustahkamlash, talabalar va o‘qituvchilar uchun xalqaro tajriba almashinuvi imkoniyatlarini kengaytirishga xizmat qiladi.