Tayinlov: Fargʻona tumani hokimiga yangi maslahatchi tayinlandi
2026-01-12 09:00:00 / Yangiliklar
G‘aniyev Sirojiddin G‘ayratjon o‘g‘li Farg‘ona tumani hokimining raqamli texnologiyalar va sun'iy intellekt texnologiyalarini rivojlantirish bo‘yicha maslahatchisi etib tayinlandi.
Sirojiddin G‘aniyev 1993-yilda Fargʻona viloyati, Farg‘ona tumanida tugʻilgan. 2018-yilda Toshkent Axborot Texnologiyalari Universitetini tamomlagan. Mutaxassisligi AKT sohasida kasbiy ta'lim.
Mehnat faoliyatini 2018-yilda Fargʻona tumani 1-umumiy o‘rta ta'lim maktabida yoshlar yetakchi vazifasida boshlagan. Oʻtgan davr mobaynida Farg‘ona tumani 44-umumiy o‘rta ta'lim maktabida informatika va matematika fani o‘qituvchisi, Marg‘ilon shahar IT park kadrlar bo‘limi boshlig‘i va Farg‘ona tumani "Hackathon academy" MChJ rahbari lavozimlarda faoliyat koʻrsatgan.
Lavozimga tayinlangunga qadar esa Farg‘ona shaxar "Hackathon IT school" rahbari lavozimida ishlab kelayotgan edi.
Ma'lumot o‘rnida, hokimining raqamli texnologiyalar va sun'iy intellekt texnologiyalarini rivojlantirish bo‘yicha maslahatchisi lavozimi 2025-yil 21-oktyabr kuni sun’iy intellekt texnologiyalarini rivojlantirish yuzasidan prezident raisligidagi o‘tkazilgan videoselektor yig‘ilishida joriy etilgan edi.
Fargʻona tuman hokimligi nomidan Sirojiddin G‘ayratjon o‘g‘lining masʼuliyatli lavozimida va ish faoliyatlarida ulkan zafarlar tilaymiz!