Farg‘ona tumanining “Gulshan” mahallasida navbatdagi sayyor qabul o‘tkazildi
2025-11-18 22:30:00 / Yangiliklar
Farg‘ona tumani hokimi Xamidullo Inomov tomonidan tuman Ichki ishlar bo‘limi boshlig‘i Murodjon Qunduzov hamkorligida “Gulshan” mahalla fuqarolar yig‘inida jismoniy va yuridik shaxslar vakillari ishtirokida navbatdagi sayyor qabul o‘tkazildi.
Qabul davomida fuqarolar tomonidan turli yo‘nalishlarda bildirilgan murojaatlar tinglanib, ularning mazmun-mohiyati holat joyida o‘rganildi. Murojaatlarning bir qismi joyida ijobiy hal etildi, ayrimlariga huquqiy tushuntirishlar berildi. Shuningdek, muddat talab etadigan murojaatlar qonunchilikka muvofiq tartibda ro‘yxatga olinib, tegishli tashkilotlar va mas’ullarga ijro uchun topshirildi.
Qabul jarayonida fuqarolar ko‘tarayotgan masalalar asosan uy-joy va kommunal xizmatlar, bandlik va ijtimoiy yordam, ichki yo‘llarni asfaltlashtirish, shuningdek tadbirkorlik faoliyatini yo‘lga qo‘yish kabi dolzarb yo‘nalishlarda bo‘ldi.