Farg‘ona tumani hokimligi

O‘zbekiston Respublikasi Prezidentining “Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida”gi farmoni e’lon qilindi.

Mazkur farmonda tibbiyot sohasida ko‘p yillik samarali mehnati, aholi salomatligini saqlash va sog‘lom turmush tarzini targ‘ib etish yo‘lidagi fidokorona xizmatlari uchun soha vakillarining bir guruhi davlat mukofotlariga loyiq deb topildi.

Ular orasida Farg‘ona tumani tibbiyot birlashmasi boshlig‘i Toshboyev Xusniddin Numonjonovich ham bor. U sog‘liqni saqlash tizimidagi yuksak mas’uliyat, tashabbuskorlik va fidoyiligi uchun “Shuhrat” medali bilan taqdirlandi.

Farg‘ona tumani hokimligi, Xalq deputatlari tuman kengashi va keng jamoatchilik nomidan Xusniddin Toshboyevni ushbu yuksak e’tirof bilan samimiy tabriklaymiz. Uning uzoq yillar davomida tibbiyot tizimini rivojlantirish, aholiga sifatli tibbiy xizmatlar ko‘rsatish hamda sog‘lom jamiyat barpo etish yo‘lidagi hissasi e’tirofga loyiqdir.

Mazkur mukofot nafaqat Xusniddin Toshboyevning shaxsiy mehnati, balki Farg‘ona tumani tibbiyot jamoasining fidoyiligi va yuksak mas’uliyatini ifodalaydi.