Farg‘ona tumanida “Yil ayoli” milliy tanlovining tuman bosqichi o‘tkazildi
2025-10-31 19:15:00 / Yangiliklar
Farg‘ona tumanida “Yil ayoli” milliy tanlovining tuman bosqichi bo‘lib o‘tdi. Tadbirda turli sohalarda faol mehnat qilib kelayotgan xotin-qizlar 12 ta nominatsiya bo‘yicha ishtirok etib, o‘z faoliyati va erishgan yutuqlari haqida so‘z yuritdilar.
Tadbirda tuman hokimi o‘rinbosari – Oila va xotin-qizlar bo‘limi boshlig‘i Hamidaxon Abdug‘aniyeva hamda Farg‘ona tumani “Oqila ayollar” harakati a’zosi M. Mo‘minova so‘zga chiqib, g‘oliblarni bugungi kunda erishgan muvaffaqiyatlari hamda tanlovning viloyat bosqichiga tavsiya etilganliklari bilan tabrikladilar. Shuningdek, ularga tuman hokimining faxriy yorliqlari va esdalik sovg‘alari topshirildi.
Mazkur tanlovning asosiy maqsadi — xotin-qizlarning jamiyatdagi rolini oshirish, gender tenglikni ta’minlash, oila institutini mustahkamlash, shuningdek, o‘z fidoyiligi, tashabbuskorligi va salohiyati bilan mamlakatimiz ijtimoiy-iqtisodiy taraqqiyotiga hissa qo‘shib kelayotgan faol ayollarni rag‘batlantirish va ularning safini kengaytirishdan iboratdir.