Qoraqalpog`iston Rеspublikаsi Ellikqal'a tumani hokimligi

Bugun Ellikqal’a tumani hokimligi katta majlislar zalida tuman hokimi V. Niyazimbetov rahbarligida yig‘ilish bo‘lib o‘tdi.

Yig‘ilishda  tuman hokimi o‘rinbosarlari, korxona va tashkilotlar rahbarlari, mahalla fuqarolar yig‘ini “Yettilik” guruhi vakillari hamda tegishli mas’ullar ishtirok etdilar.

Yig‘ilishda avvalo korrupsiyaning oldini olish va unga yo‘l qo‘ymaslik masalalari muhokama qilindi. Tuman rahbari bu yo‘nalishda har bir mas’ul shaxs o‘zining shaxsiy namunasi bilan harakat qilishi, fuqarolar bilan muloqotda sofdillik va adolat tamoyillariga amal qilishi zarurligini ta’kidladi.

Shuningdek, yig‘ilish yakunida qish mavsumi oldidan yong‘in xavfsizligini ta’minlash, ayniqsa mo‘rilarni o‘z vaqtida tozalash, isitish uskunalaridan foydalanishda ehtiyot choralariga rioya etish bo‘yicha aholi o‘rtasida keng tushuntirish ishlarini tashkil etish vazifasi qo‘yildi.

Yig‘ilish yakunida mas’ullarga belgilangan vazifalar bo‘yicha aniq ko‘rsatmalar berildi.