Qoraqalpog`iston Rеspublikаsi Ellikqal'a tumani hokimligi

Tadbirda tuman Kengashi raisi U.Karimov so‘zga chiqib, joriy yilning 5-mart kuni bo‘lib o‘tgan Korrupsiyaga qarshi kurashish bo‘yicha Milliy Kengashning kengaytirilgan yig‘ilishida ilgari surilgan tashabbus va vazifalar haqida batafsil ma’lumot berdi. Ushbu yig‘ilishda korrupsiya illatiga qarshi kurashish borasidagi yangi yondashuvlar, tashkiliy-huquqiy mexanizmlar va jamiyatda sog‘lom fikrni qaror toptirishga qaratilgan chora-tadbirlar alohida ta’kidlangani qayd etildi.

Davra suhbati davomida korrupsiyaning mamlakat ijtimoiy-iqtisodiy taraqqiyotiga yetkazadigan salbiy ta’siri, uning barcha sohalarda yuzaga keltirishi mumkin bo‘lgan oqibatlari haqida atroflicha so‘z yuritildi. Ishtirokchilar korrupsiyaga qarshi kurashda har bir fuqaroning mas’uliyati, huquqiy ong va huquqiy madaniyatni oshirishning ahamiyati haqida fikr almashdilar.

Shu bilan birga, dunyodagi dolzarb ijtimoiy-siyosiy jarayonlar va ularning korrupsiyaga qarshi kurashdagi o‘rni haqida ham ma’lumotlar berildi. Tadbir ishtirokchilari o‘zaro muloqotda faol ishtirok etib, o‘zlarini qiziqtirgan savollarga javob oldilar hamda huquqiy bilimlarini yanada boyitdilar.

Bunday tadbirlar yosh avlod ongida halollik, adolat va qonuniylik tamoyillarini mustahkamlashda, shuningdek, fuqarolarning faol fuqarolik pozitsiyasini shakllantirishda muhim ahamiyat kasb etadi.