Yangi O‘zbekistonning ibratli oilasi ko‘krak nishonlari topshirildi.
2025-05-16 16:00:00 / Yangiliklar
Oila - inson uchun muqaddas va ulug‘ dargoh. Oila — jamiyatning asosiy boshlang‘ich bo‘g‘ini, go‘zal urf-odatlar, milliy qadriyat va an’analarlarni o‘zida asrovchi, asrlar osha tarbiyada o‘ziga xos milliylikni shakllantiruvchi muqaddas maskan hisoblanadi.
Hurmatli Prezidentimizning 2022-yil 7-martdagi PF-78 sonli farmoniga asosan “Ibratli oila” ko‘krak nishoni ta’sis etilgan.
Bugun Ellikqal’a tumanidagi 18-sonli bolalar musiqa va san’at maktabida "Farovon oila sari" shiori ostida "Yangi O‘zbekistonning ibratli oilasi" ko‘krak nishoni g‘oliblari ishtirokida tadbir tashkil qilindi. Tadbirda tuman hokimi V.B.Niyazimbetov ishtirok qildi va so‘zga chiqib, tanlov g‘oliblarini tabrikladi va ko‘krak nishonlarini topshirdi. Tadbir yakunida tuman madaniyat bo‘limi san’atkorlari tomonidan konsert dasturi namoyish qilindi.