Ellikqal’a tumanida “Ochiq budjet”ning 1-bosqichi doirasida ichki ko‘chalarga asfalt qoplamasi yotqizilmoqda
2026-07-28 09:00:00 / Yangiliklar
Ellikqal’a tumanida “Ochiq budjet”ning 1-bosqichi doirasida ichki ko‘chalarga asfalt qoplamasi yotqizilmoqda
O‘zbekiston Respublikasi Prezidentining tashabbusi bilan amalga oshirilayotgan “Ochiq budjet” dasturining 1-bosqichi doirasida Ellikqal’a tumanida aholi uchun muhim bo‘lgan ichki yo‘llarni ta’mirlash ishlari izchil davom ettirilmoqda.
Jumladan, "Navoiy" OFY hududidagi "Mustaqillik" hamda "Beshtom" ko‘chalarida asfalt qoplamasi yotqizish ishlari olib borilmoqda. Mazkur loyiha aholining ovoz berishi natijasida g‘olib deb topilgan tashabbuslar asosida amalga oshirilmoqda.
Qurilish ishlari yakunlangach, mazkur ko‘chalarda transport vositalari va piyodalar harakati uchun qulay hamda xavfsiz sharoit yaratiladi. Shuningdek, yo‘l infratuzilmasining yaxshilanishi hudud aholisi turmush sifatini oshirishga xizmat qiladi.