Qoraqalpog`iston Rеspublikаsi Ellikqal'a tumani hokimligi

Ellikqal’a tumanida qishloq xo‘jaligi sohasidagi dolzarb vazifalar muhokama qilindi

Ellikqal’a tumani hokimligi katta majlislar zalida tuman hokimi Valijan Niyazimbetov rahbarligida qishloq xo‘jaligi sohasiga bag‘ishlangan yig‘ilish bo‘lib o‘tdi.

Yig‘ilishda tumandagi paxtachilik va g‘allachilik yo‘nalishida faoliyat yuritayotgan fermer xo‘jaliklari rahbarlari, qishloq xo‘jaligi sohasi mutasaddilari hamda tegishli tashkilotlar mas’ullari ishtirok etdilar.

Yig‘ilish davomida g‘o‘za parvarishiga alohida e’tibor qaratish, maydonlarni begona o‘tlardan o‘z vaqtida tozalash, barcha agrotexnik tadbirlarni belgilangan muddatlarda va sifatli amalga oshirish, sug‘orish ishlarini samarali tashkil etish masalalari atroflicha muhokama qilindi.

Shuningdek, yetishtirilayotgan hosilni nes-nobud qilmasdan yig‘ib-terib olish maqsadida terim kombaynlarini o‘z vaqtida jalb etish, yig‘im-terim mavsumiga puxta tayyorgarlik ko‘rish yuzasidan tegishli topshiriqlar berildi.

Yig‘ilishda fermerlarni qiynayotgan muammolar va ularning yechimlari ham muhokama qilinib, mas’ullarga har bir masala bo‘yicha amaliy choralar ko‘rish hamda sohadagi ishlar samaradorligini yanada oshirish yuzasidan aniq vazifalar yuklatildi.