Qoraqalpog`iston Rеspublikаsi Ellikqal'a tumani hokimligi

Ellikqal’a tumanida “Ayollar daftari” bo‘yicha yangi tartiblar muhokama qilindi

Ellikqal’a tumani hokimligining katta majlislar zalida 2026-yilda “Ayollar daftari”ni yuritish tizimidagi yangi tartiblar, amalga oshirilayotgan islohotlar hamda ustuvor vazifalarga bag‘ishlangan ishchi uchrashuv bo‘lib o‘tdi.
 

Unda Energetika, neft-gaz va geologiya xodimlari kasaba uyushmasi Respublika Kengashi raisi o‘rinbosari S.To‘xtaev, tuman hokimining o‘rinbosarlari, tashkilot va muassasalar rahbarlari, mahalla mas’ullari hamda ishchi guruh a’zolari ishtirok etdi.

Yig‘ilishda yangi Nizom asosida “Ayollar daftari” tizimida amalga oshiriladigan ishlar va ustuvor yo‘nalishlar muhokama qilinib, quyidagi masalalarga alohida e’tibor qaratildi:

🔹 ishsiz xotin-qizlarni bandlikka jalb etish va ularning daromad manbalarini yaratish;
🔹 ayollarning tadbirkorlik tashabbuslari va biznes loyihalarini qo‘llab-quvvatlash;
🔹 ehtiyojmand xotin-qizlarga ijtimoiy, iqtisodiy, tibbiy, psixologik hamda huquqiy yordam ko‘rsatish.

Uchrashuv yakunida mas’ullarga “Ayollar daftari”ga kiritilgan har bir xotin-qizning muammolarini individual o‘rganish, manzilli ko‘mak ko‘rsatish hamda belgilangan vazifalar ijrosini samarali tashkil etish yuzasidan tegishli topshiriqlar berildi.