Qoraqalpog`iston Rеspublikаsi Ellikqal'a tumani hokimligi

Bugun, Ellikqal’a Raqamli Texnologiyalar texnikumiga Qoraqalpog‘iston Respublikasi Vazirlar Kengashi raisi Ermanov Farxod Urazbayevich hamda 
O‘zbekiston Respublikasi Prezidenti maslahatchisi — Ekologiya va iqlim o‘zgarishi milliy qo‘mitasi raisi Abduhakimov Azizbek Abdug‘aniyevich tashrif buyurdilar. Mehmonlarga Ellikqal’a tumani hokimi Niyazimbetov Valijan Batirbayevich hamrohlik qildilar.

Mazkur tashrif O‘zbekiston Respublikasi Prezidentining 2026-yil 25-martdagi qarori ijrosini ta’minlash, xususan, texnikumda “Yashil texnikum” faoliyatini yo‘lga qo‘yish maqsadida amalga oshirildi.

Tashrif davomida mehmonlar texnikumning tashqi va ichki infratuzilmasi bilan yaqindan tanishib, binolarni zamonaviy talablar asosida rekonstruksiya qilish, hududni ko‘kalamzorlashtirish hamda ekologik ta’lim yo‘nalishlarini yanada rivojlantirish bo‘yicha tegishli tavsiyalar berdilar.

Hozirgi kunda texnikumda jami 425 nafar o‘quvchi tahsil olmoqda. Jumladan:
— kunduzgi ta’limda 232 nafar,
— sirtqi ta’limda 38 nafar,
— dual ta’lim shaklida 155 nafar o‘quvchi bilim olmoqda.

O‘zbekiston Respublikasi Prezidentining 2024-yil 23-iyuldagi PF-106-son Farmoni 3-ilovasining 25.3-bandiga asosan texnikum hududida dendrologiya bog‘i tashkil etilgan bo‘lib, 2025–2026-o‘quv yilidan boshlab “Ekologiya va atrof-muhitni muhofaza qilish” hamda “O‘simlikshunoslik” yo‘nalishlari bo‘yicha dual ta’lim tizimi yo‘lga qo‘yildi.

Shuningdek, 2026–2027-o‘quv yilida:
— 11 baza asosida “O‘rmonchilik va ekologiya texnigi” hamda “Ekologiya va atrof-muhitni muhofaza qilish”,
— 9 baza asosida “Laborant-ekolog” yo‘nalishlari bo‘yicha dual ta’lim shaklida o‘quvchilar qabul qilinadi.

Mazkur tashrif davomida “Yashil texnikum” loyihasi doirasida amalga oshiriladigan istiqbolli rejalar, ekologik muhitni yaxshilash hamda yoshlarni zamonaviy kasb-hunarga yo‘naltirish masalalariga alohida e’tibor qaratildi.