“Yangi O‘zbekistonning ibratli oilasi” ko‘rik-tanlovining tuman bosqichi bo‘lib o‘tdi
2026-05-02 10:20:00 / Yangiliklar
“Yangi O‘zbekistonning ibratli oilasi” ko‘rik-tanlovining tuman bosqichi bo‘lib o‘tdi
“Yangi O‘zbekistonning ibratli oilasi” ko‘rik-tanlovini o‘tkazishdan asosiy maqsad — mamlakatimizda umuminsoniy, milliy va oilaviy qadriyatlarni mustahkamlash, “Farovon oila sari” konseptual g‘oyasini hayotga tatbiq etishda ibratli oilalarning ijtimoiy faolligini yanada oshirish, oilalarda farzand tarbiyasiga bo‘lgan mas’uliyatni kuchaytirish hamda yosh avlodni Vatanga muhabbat ruhida tarbiyalashga munosib hissa qo‘shib kelayotgan tashabbuskor oilalarni rag‘batlantirish va ularning ilg‘or tajribalarini keng ommalashtirishdan iboratdir.
Ko‘rik-tanlovning tuman bosqichida ishtirok etgan oilalarning taqdim etgan hujjatlari, mahalladagi faolligi hamda obodonlashtirish ishlariga qo‘shayotgan hissasi hakamlar hay’ati tomonidan atroflicha ko‘rib chiqilib, baholandi.
Tanlov yakunida Ellikqal’a tumani Alisher Navoiy mahallasida istiqomat qiluvchi Alimovlar oilasi g‘olib deb topilib, ko‘rik-tanlovning Respublika bosqichiga yo‘llanmani qo‘lga kiritdi.
⸻