Qoraqalpog`iston Rеspublikаsi Ellikqal'a tumani hokimligi

Ellikqal’a tumanida futbol va mini futbol bo‘yicha “Davlat xavfsizlik xizmati kubogi” musobaqasiga start berildi

 Bugun Ellikqal’a tumani markaziy stadionida futbol va mini futbol bo‘yicha “Davlat xavfsizlik xizmati kubogi” musobaqasining  ochilish marosimi bo‘lib o‘tdi. Musobaqani Ellikqal’a tumani hokimi V.Niyazimbetov ochib berdi.

Tadbir davomida ommaviy sportni rivojlantirish, yoshlarning sportga bo‘lgan qiziqishini yanada oshirish masalalari alohida ta’kidlandi. Shuningdek, joriy yil 7-aprel kuni Prezidentimiz tomonidan o‘tkazilgan jismoniy tarbiya va sport sohasiga bag‘ishlangan videoselektor yig‘ilishida berilgan topshiriqlar, sportchilar va murabbiylar uchun yaratilayotgan qulaylik va sharoitlar haqida so‘z yuritildi.
Shundan so‘ng, tumandagi 40 ta mahalladan tashrif buyurgan jamoalar o‘z raqiblarini aniqlash maqsadida qura tashlash marosimida ishtirok etdilar.

Musobaqa nizomiga ko‘ra, barcha jamoalar guruhlarga bo‘lingan holda mahallalar kesimida bahslarga kirishdi.