Mamlakatimiz oziq-ovqat xavfsizligini ta'minlashda o'z hissangizni qo'shing, ayniqsa kartoshka va boshqa zarur mahsulorlarni ekishni qisqa muddatda yakunlab, qo'shimcha daromadga ega bo'ling!

 

Ellikqal’a fermerlari kengashi Rayosati a’zolarining barcha mirishkor fermerlarga, bobo dehqonlarga hamda qishloq xо‘jaligi sohasiga tegishli korxonalarga

Murojaati

 

Hurmatli fermerlar, dehqonlar va qishloq xо‘jaligi sohasi fidoyilari!

Siz aziz dehqonlarning yaratuvchanlikka asoslangan mehnatingiz asrlar davomida xalqimizning farovon turmushi, tо‘kin dasturxonining asosiy sababi sifatida yuksak e’tirof etilgan va qadrlangan. 

Bugungi kunda oziq-ovqat xavfsizligini ta’minlash – nafaqat qishloq xо‘jaligini barqaror rivojlantirish, balki iqlim о‘zgarishlari ta’sirini yumshatish orqali oziq-ovqat xavfsizligini ta’minlash, aholi farovonligini oshirishning ustuvor yо‘nalishiga aylanmoqda.

Davlatimiz rahbari Navrо‘z umumxalq bayrami tadbirida mirishkor dehqon va fermerlarimizga yuksak hurmat va ehtirom bildirib, ularning xalqimiz dasturxonini tо‘kin va farovon qilishdek sharafli mehnatini e’tirof etdi, bu borada davlat va jamiyat tomonidan doimiy qо‘llab-quvvatlash davom ettirilishini ta’kidladi.

Ushbu qо‘llab-quvvatlashdan ruxlanib, oziq-ovqat xavfsizligini ta’minlash – har birimizdan mas’uliyat va faollikni talab qilayotgan eng dolzarb vazifalardan ekinligini his qilib, kartoshka, sabzavot va poliz mahsulotlarini qisqa muddatlarda ekishni tashkil etib, ichki ehtiyojni tо‘liq qondirish orqali bozorlarda narxlar barqarorligini ta’minlashda о‘z hissamizni qо‘shaylik.

Har bir qarich yer – imkoniyat. Undan oqilona foydalanish esa nafaqat shaxsiy manfaat, balki yurtimiz farovonligiga qо‘shilgan hissadir shiori bilan bir qarich yerimizga ham mahsulot ekishni tashkil etaylik.

Keling, birgalikda harakat qilib, xalqimiz dasturxonini tо‘kin, yurtimizni yanada farovon qilaylik!

Bugun fermerlarimizning nafaqat qishloq xо‘jaligi, balki iqtisodiyotni yuksaltirish, aholi turmushini yaxshilash, oziq-ovqat xavfsizligi borasidagi ishlari e’tirof etilishi shu muqaddas zaminda tavallud va tarbiya topgan, о‘zini aynan shu yurt farzandi deb bilguvchi Siz aziz fermerlarni о‘z davlati, xalqi oldidagi, uni umidlar bilan tarbiyalagan, voyaga yetkazgan jamiyat oldidagi burchini ado etishga undashiga ishonamiz.

Himmati baland dehqon va fermerlar!

Mamlakatimiz aholisini qishloq xо‘jaligi mahsulotlari bilan ta’minlash, xalqimiz dasturxoniga yetkazish, bozorlarimizda narx-navo oshib ketishining oldini olish eng asosiy vazifamiz ekanligini unutmasligimiz zarur.

Oziq-ovqat mahsulotlarini yetishtirish strategik ahamiyatga ega bо‘lishi bilan bir qatorda, dehqon va fermerlarimiz uchun yaxshi daromad topish manbai hisoblanadi. Ayniqsa, kartoshka yetishtirish nafaqat kundalik iste’mol mahsuloti, balki aholi iste’molida eng muhim oziq-ovqat mahsulotlaridan birdir. 

Shu bois, oziq ovqat mahsulotlarini yetishtirish hajmini oshirish orqali narxlar barqarorligini ta’minlash, importga bо‘lgan qaramlikni kamaytirish bugungi kunning eng dolzarb vazifalaridan biri ekanligini unutmaylik.  

Keling, yurtimiz taraqqiyoti uchun birgalikda harakat qilaylik! “dolzarb bir oylik”da dala chetlaridan oqilona va samarali foydalanish orqali qishloq xо‘jaligi mahsulotlarini, xususan,  kartoshka hamda sabzavot va poliz ekinlarini ekishni yakunlang.

Bundan tashqari, bog‘ va qator oralaridan unumli foydalanib, qо‘shimcha ravishda sabzavot ekinlarini ekib, hosildorlikni oshirish va mahsulot turlarini kо‘paytirishga hamda shu orqali xalqimizning dasturxonini tо‘kin, yurtimizni farovon qilishga о‘z hissangizni qо‘shing!

Mirishkor va fidoiy fermerlar!

Mamlakatimizda oziq-ovqat xavfsizligi ta’minlash, jumladan, sabzavot, kartoshka, poliz, va boshqa ekinlaridan  yuqori hosil olish uchun mart-aprel oylarida, ya’ni “dolzarb bir oylik”da biz fermerlar tomonidan sabzavot urug‘larini о‘z vaqtida yerga qadab, agrotexnik tadbirlarni amalga oshirish zarurligi hamda erta ekib qо‘shimcha daromad olishingizni yurakdan his etib, quyidagi tadbirlarni og‘ishmay amalga oshiring:

birinchidan -  har bir fermer xо‘jaligi tomonidan “dolzarb bir oylik” davomida ekinlarni joylashtirish rо‘yxatiga muvofiq ochiq maydonlarda kartoshka, sabzavot va poliz ekinlarini ekishni yakunlang;

ikkinchidan - 10 kunlik muddatda dala chetlariga sabzavot, poliz, moyli, dukkakli yoki makkajо‘xori urug‘i va kо‘chatlarini ekishni tashkil eting; 

uchinchidan - ilmiy-tadqiqot muassasalari bilan hamkorlikni kuchaytiring, sifatli va sertifikatlangan urug‘dan eking;

tо‘rtinchidan - tijorat banklari orqali kartoshka yetishtirish xarajatlarini moliyalashtirish uchun hosil qiymatining 50 foizigacha yillik 12 foiz stavkada 6 oylik imtiyozli davr bilan 12 oy muddatga sug‘urta polisi asosida ajratiladigan kreditlar foydalanib, kartoshkani о‘z vaqtida ekib, qо‘shimcha daromad oling; 

beshinchidan- kartoshka, sabzavot va boshqa ekinlar yetishtirishda suv tejovchi texnologiyalarni keng joriy etib, qarorda belgilangan imtiyozlardan foydalaning;

oltinchidan - kartoshka, sabzavot va boshqa ekinlarga kasallik va zararkunandalarga qarshi samarali kurash choralarini kо‘ring, mineral va organik о‘g‘itlardan belgilangan meyor asosida foydalanib, yuqori hosil olishga va qо‘shimcha daromad olishga erishing.

 

Hurmatli fermer va dehqonlar! 

Shu munosabat bilan barchangizni “dolzarb bir oylik” doirasida mavjud yer maydonlaridan, jumladan, dala chetlari, bog‘ va qator oralaridan samarali foydalanib, kartoshka va boshqa oziq-ovqat ekinlarini ekish ishlarini qisqa muddatda yakunlashga chaqiramiz.

Qishloq xо‘jaligi ekinlarini ekishni shunday kо‘tarinkilik bilan tashkil qilaylikki, toki har bir О‘zbekistonlikman, degan inson о‘zini dehqondek his etsin.

Bobodehqon yelkasidagi yukni kо‘tarishga kamarbasta, farovonlik yо‘lida el-yurtga xizmat qilish kabi yuksak insoniy fazilatlarni namoyon qilib, dehqonlarning zafarlaridan faxrlanish hissi yuragingizda jо‘sh ursin!

Barchangizni shunday ezgu amallarni bajarishda faol ishtirok etishga chorlab, iqtisodiyotimizni yuksaltirish, ona yurtimiz yanada obod bо‘lishi uchun munosib hissangizni qо‘shishga hamda “Dolzarb bir oylik” mobaynida qishloq xо‘jaligi ekinlarini о‘z muddatlarida ekishga hamda yuqori hosil olishga da’vat etamiz!

 

Ellikqal’a fermerlari kengashi Rayosat a’zolari