Qirqqizobod hududidagi “Guldursun agrota’minot” fermer xo‘jaligida kartoshka yetishtirishni samarali tashkil etish, fermer va dehqon xo‘jaliklariga zamonaviy ekish texnologiyalarini amaliy ko‘rsatish maqsadida ko‘rgazmali seminar tashkil etildi.
2026-03-24 15:35:00 / Yangiliklar
Qirqqizobod hududidagi “Guldursun agrota’minot” fermer xo‘jaligida kartoshka yetishtirishni samarali tashkil etish, fermer va dehqon xo‘jaliklariga zamonaviy ekish texnologiyalarini amaliy ko‘rsatish maqsadida ko‘rgazmali seminar tashkil etildi.
Unda Germaniya davlatidan olib kelingan ilg‘or texnologiyalar asosida kartoshka ekish jarayonlari amalda namoyish etilib, ishtirokchilarga ushbu usullarning afzalliklari haqida batafsil tushuntirishlar berildi.
Seminarda tuman hokimi V.B. Niyazimbetov, qishloq xo‘jaligi tashkilotlari vakillari hamda tumandagi barcha toifadagi fermer xo‘jaliklari rahbarlari faol ishtirok etdilar.
Ma’lumotlarga ko‘ra, 2026-yil hosili uchun tuman bo‘yicha fermer va dehqon xo‘jaliklarida jami 250 gektar maydonga kartoshka ekish rejalashtirilgan.
Tadbir davomida kartoshkani to‘g‘ri ekish, parvarishlash, sug‘orish, agrotexnik tadbirlarni o‘z vaqtida amalga oshirish hamda hosilni yig‘ishtirib olish bosqichlarigacha bo‘lgan jarayonlar mutaxassislar tomonidan amaliy tarzda ko‘rsatib berildi.
Mazkur seminar fermerlar malakasini oshirish, ilg‘or tajribalarni ommalashtirish va kartoshkachilikni izchil rivojlantirishga xizmat qiladi.
Seminar doirasida "Yashil makon" loyihasi doirasida tut ko‘chatlari ekildi.
---------