Xalq deputatlari Ellikqal’a tuman Kengashining navbatdagi 7-chaqiriq 21-sessiyasi bo‘lib o‘tdi
2026-03-05 15:50:00 / Yangiliklar
Xalq deputatlari Ellikqal’a tuman Kengashining navbatdagi 7-chaqiriq 21-sessiyasi bo‘lib o‘tdi
Sessiyani tuman Kengashi raisi Shuhrat Qo‘shnazarov ochib berdi va olib bordi.
Sessiya kun tartibida 5 ta masala ko‘rib chiqildi. Jumladan, 2026-yil 1-yanvar holatiga mahalliy byudjetning erkin qoldiq mablag‘lari hisobidan tadbirlarga mablag‘ ajratish, 2026-yilda tumanda doimiy ish o‘rinlari yaratish bo‘yicha maqsadli ko‘rsatkichlarni tasdiqlash hamda alkogol mahsulotlarini realizatsiya qilish uchun yig‘imlarning cheklangan stavkalarini oshirish masalalari muhokama qilindi.
Shuningdek, Vazirlar Mahkamasining 665-sonli qaroriga asosan tumandagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli ro‘yxatni tasdiqlash hamda Ekologiya va iqlim o‘zgarishi qo‘mitasi Ellikqal’a tuman bo‘limining 2025-yil davomida amalga oshirilgan ishlari yuzasidan hisoboti tinglandi.
Sessiya yakunida kun tartibidagi masalalar deputatlar tomonidan muhokama qilinib, tegishli qarorlar qabul qilindi.
Sessiya jarayoni tuman hokimligining facebokdagi 👉https://www.facebook.com/share/v/16eYsLo2BT/ sahifasida to‘liq yoritildi.