Ellikqal’a tumani mahallalarida ruhiy salomatlik bo‘yicha profilaktik tadbirlar.
2025-12-17 12:55:00 / Yangiliklar
Ellikqal’a tumani mahallalarida ruhiy salomatlik bo‘yicha profilaktik tadbirlar.
Ellikqal’a tumanining Amirobod, Qilchinoq, Sarabiy, Aqchakol, Guliston hamda Kumbaskan OFY hududlarida ijtimoiy himoyaga muhtoj, ruhiy holatida o‘zgarishlar kuzatilayotgan fuqarolar bilan manzilli ishlashga qaratilgan kompleks tadbirlar o‘tkazildi.
Tarmoq rejasi asosida fuqarolar tibbiy ko‘rikdan o‘tkazilib, kasalliklarni erta aniqlash, ularning oldini olish, shuningdek jinoyatchilik va huquqbuzarliklar profilaktikasiga alohida e’tibor qaratildi. Jamiyat uchun xavf tug‘dirishi mumkin bo‘lgan holatlarni barvaqt aniqlash choralari ko‘rildi.
Mazkur tadbirlar PK–1-son qarori, 173-son PF hamda 2025-yil 7-oktabrdagi Vazirlar Mahkamasining 629-son qarori ijrosini ta’minlash doirasida tashkil etilib, ruhiy va asab kasalliklari bo‘yicha mutaxassislar, mahalla profilaktika inspektorlari va xotin-qizlar faollari hamkorligida targ‘ibot-tashviqot ishlari olib borildi.
Davra suhbatlarida aholiga ruhiy salomatlik, kasalliklarning oldini olish va sog‘lom turmush tarzining ahamiyati haqida qisqa va tushunarli ma’lumotlar berildi.