Zamonaviy avtodrom majmuasi ochildi.
2025-12-15 13:05:00 / Yangiliklar
Zamonaviy avtodrom majmuasi ochildi.
Ellikqalʼa tumanida Oʻzbekiston Respublikasi mudofaasiga koʻmaklashuvchi “Vatanparvar” tashkiloti tasarrufidagi yangi, zamonaviy avtodrom majmuasining tantanali ochilish marosimi boʻlib oʻtdi.
Tadbir Oʻzbekiston va Qoraqalpogʻiston Respublikalari Davlat madhiyalari sadosi ostida boshlandi. Unda “Vatanparvar” tashkiloti Markaziy kengashi raisi Husan Batirov, Shimoliy-gʻarbiy harbiy okrug vakillari, Qoraqalpogʻiston Respublikasi “Vatanparvar” kengashi rahbariyati, tuman hokimligi, hamkor tashkilotlar hamda jamoatchilik vakillari ishtirok etdi.
Yangi avtodrom yoshlarning kasbiy mahoratini oshirish, yoʻl harakati xavfsizligi madaniyatini shakllantirish va masʼuliyatli haydovchilarni tayyorlashga xizmat qiladi. Majmua Oʻzbekiston Respublikasi Vazirlar Mahkamasining 2023-yil 17-avgustdagi 396-son qarori hamda IIVning 2024-yil 18-yanvardagi 27-sonli buyrugʻi talablari asosida toʻliq qayta jihozlangan.
🎗 Marosimda ramziy lenta kesilib, Ellikqalʼa, Beruniy, Toʻrtkoʻl, Amudaryo, Qoʻngʻirot va Xoʻjayli tumanlaridagi oʻquv markazlariga zamonaviy ONIX yengil va FATON yuk avtomobillari topshirildi.
Yangi avtodrom — xavfsiz yoʻllar, zamonaviy taʼlim va vatanparvar yoshlar sari muhim qadamdir.