Vazir oʻrinbosari Muborak tumanidagi “Yashil xonadon” loyihasi bilan tanishdi
2025-03-11 17:25:00 / Vazirlik yangiliklari
Xonadonda 1,2 kilovatt quvvatli quyosh panellari, 200 litrli quyosh suv isitkich (geliokollektor) va 4 dona tungi yoritkich o‘rnatilgan. Vazir oʻrinbosari ushbu texnologiyalar natijasida energiya va suv tejalayotganini ko‘rib, loyihaning boshqa xonadonlarda ham joriy etilishi bo‘yicha tavsiyalar berdi.
“Yashil xonadon” loyihasi Qarshi davlat texnika universiteti magistranti Medhun Sohibov tomonidan ilmiy tadqiqot sifatida olib borilmoqda. Otabek Mahkamov loyiha tajribasini kengaytirish va yosh tadqiqotchilar uchun amaliyot maydonchalarini yaratish zarurligini ta’kidladi.
Shundan so‘ng Qarshi davlat universitetida oliy taʼlim muassasalari rahbarlari ishtirokida yig‘ilish o‘tkazildi. Unda Muborak tumanidagi mahallalarda yoshlar bandligini oshirish, tomorqalardan foydalanishni kuchaytirish, kambagʻallikni qisqartirish maqsadida bajarilgan aniq ishlar ko‘rib chiqildi.
Yig‘ilishda mahallalar uchun muhim bo‘lgan ilmiy mavzularni tanlash, yoshlar uchun tomorqa ishlari, hunarmandchilik, servis yo‘nalishlarida o‘quv kurslari ochish, sug‘oriladigan yerlarning meliorativ holatini hisobga olgan holda ekin tanlash bo‘yicha aniq topshiriqlar berildi.