O‘zbekiston Respublikasi Oliy taʼlim, fan va innovatsiyalar vazirligi

Oltinko‘l tumanidagi “Sadda”, “Ayronchi”, “Erkin” va “Intizom” mahallalarida bo‘lib, aholining muammolari o‘rganildi. Xususan, kontrakt to‘lovida qiynalayotgan talabalarga moddiy yordam ko‘rsatilib, ularning tahsilni davom ettirishlari uchun zarur sharoit yaratildi. Ushbu mahallalarda istiqomat qiluvchi fuqarolarning ta’lim bilan bog‘liq masalalariga e’tibor qaratildi.

Shundan so‘ng, mahallalardagi nogironligi bor fuqarolar va ko‘zi ojiz insonlarning xonadonlariga tashrif buyurilib, ularning hayot sharoiti bilan yaqindan tanishildi. Ularga kerakli yordam ko‘rsatish bo‘yicha mutasaddilarga tegishli topshiriqlar berildi.

“Intizom” MFYda yashovchi yolg‘iz ayolning muammolari tinglanib, unga zarur ko‘mak berildi. Shuningdek, uning ikki nafar farzandi turli o‘quv kurslariga joylashtirildi, bu esa ularning kelajagi uchun muhim qadam bo‘ldi.

Bunday tashriflar aholining muammolarini joyida o‘rganish va ularni tezkorlik bilan hal etishda katta ahamiyat kasb etadi. Mahallalarda yashovchi aholining turmush sharoitini yaxshilash, ayniqsa ijtimoiy himoyaga muhtoj oilalarga yordam berish davlat siyosatining ustuvor yo‘nalishlaridan biri bo‘lib qolmoqda.