Oliy va kasbiy taʼlim tizimi hamda ilmiy sohadagi 2024-yilda amalga oshirilgan ishlar sarhisobi va “Atrof-muhitni asrash va “yashil” iqtisodiyot yili”dagi ustuvor vazifalar
2024-12-25 22:30:00 / Vazirlik yangiliklari
2024-yil 25-dekabr kuni Oliy taʼlim, fan va innovatsiyalar vazirligining Hayʼat yigʻilishi boʻlib oʻtdi. Unda oliy taʼlim muassasalari rahbarlari, vazirlik markaziy apparati va tizim tashkilotlarining masʼul xodimlari ishtirok etdi.
Yigʻilishda vazir Qoʻngʻirotboy Sharipov joriy yilning “Atrof-muhitni asrash va “yashil” iqtisodiyot yili” deb eʼlon qilinishi munosabati bilan atrof-muhitni asrash, “yashil” texnologiyalarni joriy etish, suv resurslaridan tejamkorlik bilan foydalanish va koʻkalamzor hududlarni koʻpaytirish kabi ustuvor vazifalarni muhokama qildi. Shuningdek, vazir Orol fojiasining oqibatlarini yumshatish, chiqindilar muammosini hal qilish va aholi salomatligini mustahkamlash borasida oliygohlar rahbarlarini tashabbuskorlikka chorladi.
Vazir taʼlim muassasalari uchun xalqaro talablarga javob beradigan barqarorlik va ekologik samaradorlik koʻrsatkichlarini belgilaydigan “Harakatlar rejasi”ni ishlab chiqish topshirigʻini berdi. Shuningdek, GreenMetric xalqaro reytingida ishtirok etish orqali infratuzilmani yaxshilash, energiya va suv resurslaridan oqilona foydalanish, chiqindilar bilan ishlash hamda “yashil” madaniyatni shakllantirish boʻyicha vazifalar belgilandi.
Yigʻilishda Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov ham ishtirok etib, ekologik tashabbuslarning ahamiyatiga alohida toʻxtaldi. U “yashil” iqtisodiyot va atrof-muhitni muhofaza qilish sohasidagi umummilliy va global masalalarni hal etish uchun oliy taʼlim muassasalari bilan hamkorlikni yanada kuchaytirish zarurligini taʼkidladi. Vazir ekologik muammolarni hal etishda davlat organlari, xususiy sektor va taʼlim muassasalari oʻrtasidagi hamkorlikning samaradorligini oshirish maqsadida yangi texnologiya va innovatsiyalarga asoslangan oʻzaro hamkorlik loyihalarini ishlab chiqish boʻyicha takliflar kiritdi.
Yigʻilish kun tartibiga koʻra, navbatdagi masalalar koʻrilarkan Q. Sharipov 2024/2025 oʻquv yilidan boshlab talabalarda amaliy koʻnikmalarni shakllantirish uchun ishlab chiqarish amaliyotlari 15 haftalik malakaviy dasturlar asosida tashkil etilishga alohida toʻxtaldi. Shuningdek, muhandislik sohasida kadrlar tayyorlovchi oliygohlarda dual taʼlim tizimini yanada jadal rivojlantirish boʻyicha vazifalar qayd etildi. Rektorlarga talabalar amaliyoti uchun korxona va tashkilotlar bilan hamkorlik shartnomalari tuzish topshirildi.
Yigʻilishda “Top-500”ga kiruvchi xorijiy universitetlar bilan hamkorlikda qoʻshma taʼlim dasturlarini tashkil etish ishlari tahlil qilindi. Bundan tashqari, stajyor-tadqiqotchilik va doktoranturaga talabgorlarni jalb qilish boʻyicha targʻibot ishlarini kuchaytirish zarurligi taʼkidlandi.
2025-yilda “Yoshlar akademiyasi” tomonidan tashkil etiladigan “Boʻlajak olim” tanlovlariga iqtidorli yoshlar va tadqiqotchilarni keng jalb qilish choralari koʻriladi. Ushbu tanlovga turli sohalardagi talabalar va tadqiqotchilarni ham qamrab olish vazifasi qoʻyildi.
Yigʻilishda yoqilgʻi-energiya resurslari barqarorligini taʼminlash, energiyani tejash va undan oqilona foydalanish masalalari 2025-yildagi muhim vazifa sifatida belgilandi.
Hay’at yig‘ilishida, shuningdek, oliy ta’lim muassasalari rektorlari so‘z olib, joriy yilda amalga oshirilgan ishlar bo‘yicha hisobotlar berdilar. Yig‘ilishda ko‘tarilgan barcha masalalar bo‘yicha aniq topshiriqlar berilib, ularning ijrosini nazorat qilish muhimligi qayd etildi.
Vazir taʼlim muassasalari uchun xalqaro talablarga javob beradigan barqarorlik va ekologik samaradorlik koʻrsatkichlarini belgilaydigan “Harakatlar rejasi”ni ishlab chiqish topshirigʻini berdi. Shuningdek, GreenMetric xalqaro reytingida ishtirok etish orqali infratuzilmani yaxshilash, energiya va suv resurslaridan oqilona foydalanish, chiqindilar bilan ishlash hamda “yashil” madaniyatni shakllantirish boʻyicha vazifalar belgilandi.
Yigʻilishda Oʻzbekiston Respublikasi Ekologiya, atrof-muhitni muhofaza qilish va iqlim oʻzgarishi vaziri Aziz Abduhakimov ham ishtirok etib, ekologik tashabbuslarning ahamiyatiga alohida toʻxtaldi. U “yashil” iqtisodiyot va atrof-muhitni muhofaza qilish sohasidagi umummilliy va global masalalarni hal etish uchun oliy taʼlim muassasalari bilan hamkorlikni yanada kuchaytirish zarurligini taʼkidladi. Vazir ekologik muammolarni hal etishda davlat organlari, xususiy sektor va taʼlim muassasalari oʻrtasidagi hamkorlikning samaradorligini oshirish maqsadida yangi texnologiya va innovatsiyalarga asoslangan oʻzaro hamkorlik loyihalarini ishlab chiqish boʻyicha takliflar kiritdi.
Yigʻilish kun tartibiga koʻra, navbatdagi masalalar koʻrilarkan Q. Sharipov 2024/2025 oʻquv yilidan boshlab talabalarda amaliy koʻnikmalarni shakllantirish uchun ishlab chiqarish amaliyotlari 15 haftalik malakaviy dasturlar asosida tashkil etilishga alohida toʻxtaldi. Shuningdek, muhandislik sohasida kadrlar tayyorlovchi oliygohlarda dual taʼlim tizimini yanada jadal rivojlantirish boʻyicha vazifalar qayd etildi. Rektorlarga talabalar amaliyoti uchun korxona va tashkilotlar bilan hamkorlik shartnomalari tuzish topshirildi.
Yigʻilishda “Top-500”ga kiruvchi xorijiy universitetlar bilan hamkorlikda qoʻshma taʼlim dasturlarini tashkil etish ishlari tahlil qilindi. Bundan tashqari, stajyor-tadqiqotchilik va doktoranturaga talabgorlarni jalb qilish boʻyicha targʻibot ishlarini kuchaytirish zarurligi taʼkidlandi.
2025-yilda “Yoshlar akademiyasi” tomonidan tashkil etiladigan “Boʻlajak olim” tanlovlariga iqtidorli yoshlar va tadqiqotchilarni keng jalb qilish choralari koʻriladi. Ushbu tanlovga turli sohalardagi talabalar va tadqiqotchilarni ham qamrab olish vazifasi qoʻyildi.
Yigʻilishda yoqilgʻi-energiya resurslari barqarorligini taʼminlash, energiyani tejash va undan oqilona foydalanish masalalari 2025-yildagi muhim vazifa sifatida belgilandi.
Hay’at yig‘ilishida, shuningdek, oliy ta’lim muassasalari rektorlari so‘z olib, joriy yilda amalga oshirilgan ishlar bo‘yicha hisobotlar berdilar. Yig‘ilishda ko‘tarilgan barcha masalalar bo‘yicha aniq topshiriqlar berilib, ularning ijrosini nazorat qilish muhimligi qayd etildi.