Jumladan, registrator ofisi, laboratoriya xonalari hamda qurilishi mo‘ljallangan yangi 1000 o‘rinli bino va 2 ta laboratoriya uchun mo‘ljallangan qurilish obyektlari ko‘zdan kechirilib, universitetda tashkil etilgan “FOOD TSEAU” MChJ kichik innovatsion korxonasi tomonidan ishlab chiqarilayotgan non mahsulotlarining sifatiga baho berildi.

Shundan so‘ng, vazir universitetning “Surxon geologiya” muzeyi hamda robototexnika xonalariga tashrif buyurib, ushbu sohalarda yanada ishlarni jonlantirish yuzasidan tegishli taklif va tavsiyalarini berdi.

Ma’lumot o’rnida: bugungi kunda muzeyda Surxondaryo viloyatida mavjud foydali qazilma konlari va uchastkalaridan keltirilgan 90 ta eksponat mavjud bo‘lib, magmatik, metamorfik va cho‘kindi jarayonlarida hosil bo‘lgan konlardan namunalar olib kelingan.