SamDCHTI talabalari yangi o‘quv yilini yangi o‘quv binoda boshlaydigan bo‘lishdi
2024-09-09 11:10:00 / Vazirlik yangiliklari
Bugun, 9-sentabr kuni 2024/2025-o‘quv yili boshlanishi munosabati bilan institutda 2000 o‘ringa mo‘ljallangan 7 qavatli yangi o‘quv binosi foydalinishga topshirildi. “Sifat plus qurilish” MCHJ quruvchilari tomonidan bunyod etilgan mazkur bino institut talabalari va professor-o’qituvchilari uchun haqiqiy bayram sovg‘asi bo‘ldi.
Yangi binoda 3 ta fakultet talabalari tahsil oladi. 1000 o’ringa ega bo’lgan 85 ta o’quv xonasi, zamonaviy axborot texnologiyalari bilan jihozlangan 300 o’rinli mustaqil ta’lim xonasi, 320 o’rinli faollari zali, Axborot-resurs markazi, 2 ta sinxron tarjima amaliyoti xonasi, 1 ta muzey, 1 ta “Registrator ofisi”, konferensiyalar zali hamda 5 ta sport va ma’naviy-ma’rifiy tadbirlarga mo’ljallangan xonalar talabalar xizmatiga topshirildi.