“Energiya tejamkorligini ta’minlash, muqobil quvvatlardan foydalanishni kengaytirish masalalari” mavzusida o‘quv kursi
2024-09-03 10:05:00 / Vazirlik yangiliklari
4-5-sentyabr kunlari Farg‘ona politexnika institutida (https://t.me/ferpolitech) energetika sohasida kadrlar tayyorlaydigan oliy ta’lim muassasalarida o‘quv jarayonini dual ta’lim shaklida tashkil etishga qaratilgan (oflayn) malaka oshirish kursi bo‘lib o‘tadi.
Kurs davomida energetika sohasida kadrlar tayyorlaydigan oliy ta’lim muassasalari kafedra mudirlari va professor-o‘qituvchilarining elektr tarmoqlarida energiya samaradorligini ilmiy-texnikaviy tahlil qilish (Farg‘ona tumani misolida), qayta tiklanuvchi va ikkilamchi energiya resurslaridan foydalanish borasidagi malakalari oshiriladi.
Shuningdek, energiya iste’molini o‘rganishda amalga oshirilgan ishlar bilan tanishish maqsadida Farg‘ona tumanidagi obyektlarga tur tashkil etiladi.