2023/2024 o‘quv yilida respublika oliy ta’lim muassasalarini jami 197 319 nafar, shundan bakalavriatni 192 376 nafar, magistraturani  4943 nafar talaba tamomlagan.

2024/2025 o‘quv yilida respublika davlat oliy ta’lim muassasalarida jami 1 mln 167 ming nafardan ortiq, jumladan, ikkinchi va undan yuqori kursda 652 ming nafar, birinchi kursda 215 ming nafardan ortiq talaba tahsil olishi kutilmoqda.

2024-yilning 1-yarim yilida 39 476 nafar professor-o‘qituvchi, jumladan 17 389 nafar (3 357 nafar fan doktori (DSc), 14 032 nafar fan nomzodi (PhD)) ilmiy darajaga ega professor-o‘qituvchilar faoliyat yuritadi, ilmiy salohiyat 44 foizni tashkil etadi.

2024/2025 o‘quv yilida ta’lim yo‘nalishlari va mutaxassisliklari o‘quv rejalariga muvofiq oliygohlar tomonidan 2024/2025 o‘quv yilida o‘quv mashg‘ulotlarini olib boradigan professor-o‘qituvchilar yillik o‘quv yuklamalari hajmi 10 foizga kamaytirgan holda hisoblandi

2024/2025 o‘quv yilida respublikamizda 5 ta yangi tashkil etilgan quyidagi oliy ta’lim muassasalari o‘z faoliyatini boshlaydi:

Termiz davlat muhandislik va agrotexnologiyalar universiteti (davlat OTM);

• Toshkent tibbiyot akademiyasi Chirchiq filiali (davlat OTM);
• M. Auezov nomidagi Janubiy Qozog‘iston universitetining Chirchiq shahridagi filiali (xorijiy OTM filiali);
• Toshkent shahrida Amerika texnologiyalar universitetini tashkil etish chora-tadbirlari to‘g‘risida (nodavlat OTT);
• Tashkent Metropolitan university (nodavlat OTT).

TOP-300 oliygohlar ta’lim dasturlari asosida oliy ta’lim yo‘nalishlari 40 foizgacha maqbullashtirildi va buning natijasida 306 ta bakalavriat ta’lim yo‘nalishi 183 taga, 645 ta magistratura mutaxassisliklari 546 taga qisqartirldi.

Maqbullashtirilgan 183 ta bakalavriat ta’lim yo‘nalishi va 546 ta magistratura mutaxassisliklari bo‘yicha malaka talablari ishlab chiqilib tasdiqlandi hamda barcha oliygohlarga yetkazib berildi. Talabalarda amaliy kompetensiyalar va ko‘nikmalarni kuchaytirish maqsadida kamida 15 haftalik uzluksiz malakaviy amaliyotlar o‘tkazilishi belgilandi.

Respublikadagi 37 ta yetakchi oliy ta’lim muassasalarida 203 ta ilmiy laboratoriya faoliyat yuritib kelmoqda

Energetika muhandisligi, qurilish muhandisligi, biotexnologiya, pedagogika, matematika, texnologik jarayonlar va ishlab chiqarishni avtomatlashtirish, kimyo kabi ta’lim yo‘nalishlari bo‘yicha 12 nomdagi darsliklar 3 900 nusxada nashrdan chiqarildi.

Shuningdek, oliy ta’lim muassasalarida tahsil olayotgan ko‘zi ojiz va zaif ko‘ruvchi talabalar uchun pedagogika, psixologiya, tilshunoslik va o‘zbek tili ixtisosliklari bo‘yicha jami 15 nomdagi o‘quv adabiyotlar 2 690 nusxada Brayl yozuvida nashrdan chiqarildi.

2024/2025 o‘quv yiliga kasb-hunar maktablariga kasb o‘rganish istagida bo‘lgan umumtalim maktablarining 136 376 nafar  (14 324 nafar dual) 9-sinf  bitiruvchilari hujjatlari qabul qilindi.

2024/2025 o‘quv yiliga kollej va texnikumlarga 106 256 ming qabul parametrlari shakllantirildi. Shuningdek, 2024-yilning 18-avgustdan 27-avgustgacha professional ta’lim muassasalarini tanlov bosqichi bo‘lib o‘tmoqda.

Joriy yilning 5-10-avgust kunlari vazirlik markaziy apparati xodimlaridan iborat ishchi guruh 590 ta professional ta’lim muassasalarining yangi o‘quv yiliga tayyorgarlik holatini o‘rganilib, ularga metodik yordam ko‘rsatildi.

Bugungi kunda respublika oliy ta’lim muassasalari tasarrufidagi akademik litseylar soni jami 73 ta bo‘lib, shundan 24 ta litsey Toshkent shahrida, 49 tasi hududlarda joylashgan.

Joriy yilning 10-iyunidan 10-iyuliga qadar my.edu.uz elektron platformasi orqali 44 462 ta  ariza qabul qilindi.

2024/2025 o‘quv yili uchun akademik litseylarga 25-26-iyul kunlari Bilim va malakalarni baholash agentligi tomonidan respublikadagi 67 ta katta sig‘imli binolarda 2 smenada tashkil etilgan kirish test sinovlari natijasiga ko‘ra 70 ta akademik litseyga 15 456 nafar o‘quvchi qabul qilindi.

Toshkent davlat yuridik universiteti qoshidagi 3 ta akademik litseyga 2024/2025 o‘quv yili uchun qabul parametrlari 468 ta etib belgilandi. Bilim va malakalarni baholash agentligi tomonidan o‘tkazilgan kirish test sinovlari natijalariga ko‘ra 3 ta akademik litseyga 468 nafar o‘quvchilar qabul qilindi.

Ta’lim bosqichlari uzluksizligini ta’minlash maqsadida oliy ta’lim muassasalarining turdosh ta’lim yo‘nalishlarida takroran o‘qitiladigan fanlar akademik litseylar o‘quv dasturidagi tegishli fanlar bilan unifikatsiya qilindi.

Respublika oliy ta’lim muassasalari tasarrufidagi 73 ta akademik litseylarda barcha fanlardan o‘qituvchilar tarkibi shakllantirilgan.

2024/2025 o‘quv yili uchun akademik litseylarda dars soatlar fondi va yillik yuklamalar hisoblab chiqildi.

Akademik litseylar o‘quvchilari o‘quv rejadagi barcha umumta’lim fanlari bo‘yicha Maktabgacha va maktab ta’limi vazirligining hududiy boshqarmalari orqali 10-11-sinflar uchun yaratilgan darsliklar bilan bepul ta’minlanish yo‘lga qo‘yilgan.

Ta’lim yo‘nalishlari bo‘yicha chuqurlashtirilgan 18 ta fanlardan 38 nomda zamonaviy darsliklar yaratilgan.

2024/2025 o‘quv yili uchun bakalavriat ta’lim yo‘nalishlaridan kelib chiqib, to‘lov-kontrakt miqdorlari 7 400,0 ming so‘mdan – 11 250,0 ming so‘mgacha bo‘lgan oraliqda belgilangan.

Natijada, amaldagi kontrakt to‘lovlari bitta talabani bir yillik o‘qitish xarajatlarining o‘rta hisobda 65,5 foizini qoplamoqda.

Yetishmagan mablag‘lar oliy ta’lim muassasalarining tabaqalashtirilgan to‘lov-kontrakt asosida o‘qitishdan tushgan mablag‘lar hisobidan qoplanishi kutilmoqda.

Texnika, madaniyat va san’at hamda qishloq xo‘jaligi yo‘nalishidagi aksariyat oliy ta’lim muassasalarida to‘lov-kontrakt asosida o‘qitish uchun yetishmayotgan mablag‘larning bir qismi Davlat byudjeti hisobidan qoplab berilmoqda.

Bugungi kunda, respublikadagi 113 ta davlat oliy ta’lim muassasalarida jami 1 283 ta bino va inshootlar mavjud bo‘lib, jumladan, 405,3 ming o‘rinli 564 ta o‘quv binolari  bo‘lib, ularning navbatlilik koeffitsiyenti o‘rtacha 1,7 ko‘rsatkichni tashkil etadi.

2024/2025 o‘quv yili boshlanishiga oliy ta’lim muassasalarining70 dan ortiq  obyektlar mukammal va joriy ta’mirlash ishlari yakunlandi. Shu bilan birga, yangi o‘quv yili boshlangunga qadar 3 200 o‘rinli 3 ta yangi o‘quv binolari va 3 000 o‘rinli 4 ta talabalar turar joylari foydalanishga topshirildi.

2023-yilda 18 016 o‘rinli 40 ta, jumladan, oliy ta’lim muassasasi mablag‘lari hisobidan 6 641 o‘rinli 16 ta hamda davlat-xususiy sheriklik asosida 11 375 o‘rinli 24 ta talabalar turar joylari yaratildi.

Shunday qilib, bugungi kunda 112 ta oliygohda jami 338 ta talabalar turar joylari mavjud bo‘lib, ularning sig‘imi 127 792 o‘rinni tashkil etmoqda. Bu yotoqxonaga ehtiyoji bor talabalarning 54 foizini qamrash imkonini beradi.

Bugungi kunda Respublika miqyosida 46 252 o‘rinli 86 ta talabalar turar joylarini barpo etish bo‘yicha loyihalar amalga oshirilmoqda.

Ulardan 31 882 o‘rinli 59 ta davlat-xususiy sheriklik asosida, 14 370 o‘rinli 27 tasi oliygohlarning to‘liq o‘z mablag‘lari doirasida barpo etilmoqda. Ayni paytda 35 820 o‘rinli 68 ta talabalar turar joylarini qurish ishlari olib borilmoqda.

Joriy yil yakuniga qadar Davlat dasturida belgilangan talabalar turar joylari qurib foydalanishga topshiriladi.