Germaniya va mahalliy korxonalar uchun malakali kadrlar tayyorlash boʻyicha yangi loyiha ishga tushirildi
2024-07-18 17:05:00 / Vazirlik yangiliklari
Oliy taʼlim, fan va innovatsiyalar vazirining birinchi oʻrinbosari Shohrux Daliyev va “German Industry and Commerce” MCHJ rahbari Otabek Alimjonov “Skills Expert Program” loyihasini yoʻlga qoʻyish boʻyicha bitim imzoladilar.
Loyihadan koʻzlangan maqsad professional taʼlim muassasalarida Oʻzbekistondagi Germaniya korxonalari va mahalliy korxonalar uchun malakali mutaxassis kadrlar tayyorlashdan iborat.
Mazkur loyiha 3 yil davomida amalga oshiriladi va Germaniyaning Iqtisodiyot va iqlim muhofazasi vazirligi tomonidan moliyalashtiriladi.
Loyiha doirasida professional taʼlim muassasalarining dual taʼlim shakli oʻquvchilari uchun Germaniya standartlariga muvofiq nazariy va amaliy shakldagi yakuniy malaka imtihonlari tashkil etiladi.
Imtihon natijalariga koʻra, tashkilot tomonidan Germaniya kompaniyalarida tan olinadigan sertifikat beriladi.