🚫 Dehqonobodda “Biz giyohvandlikka qarshimiz!” shiori ostida “5000 qadam” marafoni o‘tkazildi
2026-10-06 11:35:00 / Yangiliklar
Dehqonobod tumanida aholi, ayniqsa, yoshlar o‘rtasida sog‘lom turmush tarzini keng targ‘ib qilish, giyohvandlik va boshqa zararli illatlarning oldini olish hamda jismoniy faollikni oshirish maqsadida “Biz giyohvandlikka qarshimiz!” shiori ostida “5000 qadam” ommaviy yurish marafoni tashkil etildi.
Marafonda yoshlar, nuroniylar, tuman tashkilotlari xodimlari hamda faol jamoatchilik vakillari ishtirok etib, sog‘lom turmush tarzini qo‘llab-quvvatlashga o‘z hissalarini qo‘shdilar.
🚶♂️ “5000 qadam” marafoni davomida ishtirokchilarga muntazam jismoniy faollikning inson salomatligi uchun ahamiyati targ‘ib qilindi. Yoshlarni sport bilan muntazam shug‘ullanishga, zararli odatlardan yiroq bo‘lishga va sog‘lom hayot tarziga amal qilishga chorlashga alohida e’tibor qaratildi.
Shuningdek, tadbir davomida giyohvandlikning inson salomatligi, oilaviy muhit va jamiyat hayotiga salbiy ta’siri, uning og‘ir oqibatlari hamda yoshlarni bunday illatlardan asrash borasida tushuntirish va targ‘ibot ishlari olib borildi.
Tadbir ishtirokchilarni sog‘lom hayot tarzini tanlash, jismoniy faollikni kundalik hayotning bir qismiga aylantirish va zararli illatlarga qarshi qat’iy munosabatda bo‘lishga undadi.
🤝 Sog‘lom avlod — sog‘lom jamiyat poydevori!
Kanalga ulanish:
@Dehqonobodpress