🛣️ Foto: Duob mahallasida aholi tashabbusi bilan yo‘llar asfaltlashtirilmoqda
2026-10-05 15:30:00 / Yangiliklar
Dehqonobod tumanining eng olis hududlaridan biri bo‘lgan Duob mahallasida “Tashabbusli budjet” loyihasining amaliy samarasi yaqqol namoyon bo‘lmoqda.
Aholining bevosita tashabbusi va faol ishtiroki asosida ilgari dolzarb bo‘lib kelgan yo‘l muammosini hal etishga qaratilgan loyiha g‘oliblikni qo‘lga kiritdi. Natijada mahalladagi Duob va Tersoqor qishloqlarini bog‘lovchi yo‘llarni asfaltlashtirish ishlari boshlandi.
🔹 Mazkur loyiha 5 203 ta ovoz bilan “Tashabbusli budjet”ning 2026-yilgi birinchi mavsumida g‘olib bo‘lgan.
Ayni paytda yo‘llarda asfaltlashtirish ishlari olib borilmoqda. Ushbu yo‘lning ravon holga keltirilishi, avvalo, mahalla aholisining kundalik qatnovini yengillashtirib, qishloqlar o‘rtasidagi transport aloqasini yaxshilaydi. Shuningdek, uzoq hududlarda yetishtirilayotgan qishloq xo‘jaligi mahsulotlarini ichki bozorlarga olib chiqish, tez tibbiy yordam va boshqa xizmatlarning manzilga o‘z vaqtida yetib borishi uchun ham muhim ahamiyat kasb etadi.
Eng muhimi, bu jarayonda xalqning ovozi va tashabbusi amaliy natijaga aylanmoqda. Aholi tomonidan bildirilgan taklifning qo‘llab-quvvatlanishi va uning hayotda o‘z aksini topishi mahallalarda infratuzilmani yaxshilash, odamlarning turmush sharoitini yanada qulaylashtirishga xizmat qilmoqda.
Kanalga ulanish:
@Dehqonobodpress