Qashqadaryo viloyati Dehqonobod tumani hokimligi

Dehqonobod tumanida tadbirkorlikni rivojlantirish, yangi loyihalarni qo‘llab-quvvatlash va tadbirkorlarni qiynayotgan masalalarni joyida hal etishga qaratilgan amaliy ishlar davom ettirilmoqda.

Shu maqsadda tuman hokimligining Faollar zalida tuman hokimi Sherzod Shokirov, Qashqadaryo viloyati Kambag‘allikni qisqartirish va bandlik boshqarmasi boshlig‘i Faxriddin Muxammadiyev, Respublika ishchi guruhi vakillari hamda tijorat banklari mas’ullari ishtirokida dehqonobodlik tadbirkorlar bilan navbatdagi uchrashuv o‘tkazildi.

Muloqotda joriy yilning 3-sentabr kuni Prezidentimiz rahbarligida o‘tkazilgan videoselektor yig‘ilishida belgilangan vazifalar ijrosini ta’minlash, tadbirkorlik faoliyatini yanada rivojlantirish, yangi loyihalarni amalga oshirish va aholi bandligini oshirish masalalariga alohida e’tibor qaratildi.

Uchrashuv avvalida tuman hokimi tadbirkorlar uchun yaratilayotgan keng imkoniyatlar, yangi yondashuvlar va tadbirkorlik tashabbuslarini qo‘llab-quvvatlash borasida amalga oshirilayotgan ishlar haqida so‘z yuritdi. Tadbirkorlikni rivojlantirish uchun mavjud imkoniyatlardan samarali foydalanish, yangi loyihalarni hayotga tatbiq etish va buning natijasida qo‘shimcha ish o‘rinlari yaratish muhimligi ta’kidlandi.

Shundan so‘ng tadbirkorlarning taklif va murojaatlari bevosita tinglandi. Ular tomonidan kredit mablag‘lari ajratish, yer maydonlari bilan bog‘liq masalalar, elektr va boshqa muhandislik-kommunikatsiya tarmoqlariga ulanish, mavjud tadbirkorlik faoliyatini kengaytirish yuzasidan murojaatlar bildirildi.

Xususan, tadbirkorlar tomonidan quyidagi masalalar ko‘tarildi:
 

🔹 Jasur Odinaev — chorvachilik faoliyatini rivojlantirish uchun qo‘shimcha 300 gektar yaylov yer maydoni ajratish;

🔹 Qudrat Mahmudovich Hamidov — Istiqlol MFY, M. Ulug‘bek ko‘chasidagi mavjud zumda qoqatlashish? [Need correct image text: “bir zumda oqatlanish xizmati” maybe fast food?] faoliyatini rivojlantirish uchun 100 mln so‘m imtiyozli kredit ajratish hamda 3 fazali elektr tarmog‘iga ulanishga ruxsat berish;

🔹 Nosir Rahimov — Paxtachi MFYdagi sobiq Seguzar dehqon bozori qarshisidagi yer maydonida “Milliy brend” asosida qurut mahsulotini sotish markazi tashkil etish uchun 500 mln so‘m imtiyozli kredit olish;

🔹 Shahlo Chorieva — mavjud tikuvchilik faoliyatini kengaytirish uchun 50 mln so‘m imtiyozli kredit ajratish;

🔹 Davron Arolov — Beshbuloq MFY hududidagi bo‘sh yer maydoniga reklama banneri o‘rnatish uchun yer ajratish;

🔹 Sitora Yangiboeva — Istiqlol MFY hududida go‘zallik saloni faoliyatini rivojlantirish uchun 100 mln so‘m imtiyozli kredit ajratish;

🔹 Sherali Jo‘raev — tumanda lazer orqali temirga ishlov berish xizmatini yo‘lga qo‘yish uchun uskunalar olib kelish maqsadida 30 ming AQSH dollari miqdorida imtiyozli kredit ajratish;

🔹 Anvar Norkulov — Yangi O‘zbekiston MFY hududidagi sanoat zonasi uchun ajratilgan yer maydonida qurilish ishlarini boshlash maqsadida elektr tarmog‘i va boshqa kommunikatsiya tarmoqlarini tortishda amaliy yordam ko‘rsatish.

Har bir murojaat mas’ullar ishtirokida atroflicha muhokama qilinib, ularning yechimi yuzasidan bank, kommunal xizmatlar, qurilish va boshqa soha mutasaddilariga tegishli topshiriqlar berildi.

Tuman hokimi tadbirkorlar tomonidan ilgari surilayotgan loyihalarning har biri hudud iqtisodiyotini rivojlantirish, yangi ish o‘rinlari yaratish va aholi daromadlarini oshirish nuqtayi nazaridan muhim ekanini ta’kidlab, ularni qonunchilik doirasida qo‘llab-quvvatlashga tayyorligini bildirdi.

— Bugungi kunda tadbirkorlikni rivojlantirish uchun keng imkoniyatlar yaratilmoqda. Muhimi, ushbu imkoniyatlardan samarali foydalanib, aniq natijaga yo‘naltirilgan loyihalarni amalga oshirishimiz kerak, — deya ta’kidladi tuman hokimi.

Uchrashuv yakunida tadbirkorlarning har bir murojaati bo‘yicha belgilangan vazifalar ijrosini ta’minlash, masalalarni ortga surmasdan amaliy hal etish va tadbirkorlik tashabbuslarini doimiy qo‘llab-quvvatlash bo‘yicha mas’ullarga ko‘rsatmalar berildi.

Kanalga ulanish:
@Dehqonobodpress