Foto: Dehqonobod tumanidagi maktablarda yangi o‘quv yili “Birinchi qo‘ng‘iroq” tadbirlari bilan boshlandi
2026-09-02 10:10:00 / Yangiliklar
Dehqonobod tumanidagi barcha umumiy o‘rta ta’lim maktablarida yangi 2026/2027-o‘quv yili “Birinchi qo‘ng‘iroq” tadbirlari bilan boshlandi.
Bayramona tadbirlarda o‘quvchilar, ota-onalar, pedagoglar hamda jamoatchilik vakillari ishtirok etib, yangi o‘quv yilining ilk kunini ko‘tarinki kayfiyatda qarshi oldilar.
Jumladan, Dehqonobod tumani hokimi Sherzod Shokirov 12-sonli umumiy o‘rta ta’lim maktabida tashkil etilgan “Birinchi qo‘ng‘iroq” tadbirida ishtirok etdi.
Tadbir davomida tuman hokimi O‘zbekiston Respublikasi Prezidenti tomonidan Bilimlar kuni munosabati bilan yo‘llangan tabrikni yig‘ilganlarga o‘qib eshittirdi. Shuningdek, o‘quvchilarni, ayniqsa, maktab ostonasiga ilk bor qadam qo‘ygan jajji bolajonlarni yangi o‘quv yili bilan muborakbod etib, ularga mustahkam bilim, yuksak marralar va o‘qishlarida omad tiladi.
Kanalga ulanish:
@Dehqonobodpress