Dehqonobod tumanida amalga oshirilayotgan bunyodkorlik ishlari viloyat ishchi guruhi tomonidan o‘rganildi
2026-06-01 07:35:00 / Yangiliklar
O‘zbekiston Respublikasi Prezidentining 2024-yil 28-martdagi “Islom taraqqiyoti banki ishtirokida “Qishloq joylarni kompleks rivojlantirish” (2-bosqich) loyihasini amalga oshirish chora-tadbirlari to‘g‘risida”gi PQ–141-son qarori hamda davlat rahbarining boshqa qaror va farmonlari, drayver loyihalar va davlat dasturlari ijrosi doirasida Dehqonobod tumanida keng ko‘lamli bunyodkorlik ishlari amalga oshirilmoqda.
Bugungi kunda tumanning 51 ta mahallasida jami 84 ta infratuzilma loyihasi, maktab, bog‘cha, tibbiyot maskanlari va boshqa ijtimoiy obyektlarning qurilish ishlari olib borilmoqda. Shuningdek, joriy yilda 270 kilometrdan ortiq ichki yo‘llarni asfaltlashtirish, 36 kilometrdan ortiq piyodalar yo‘laklarini qurish, ichimlik va sug‘orish suvi tizimlarini rekonstruksiya qilish bo‘yicha keng ko‘lamli ishlar amalga oshirilmoqda.
Mazkur loyihalarning borishi va sifati bilan tanishish maqsadida Qashqadaryo viloyati hokimining birinchi o‘rinbosari Alisher Qodirov rahbarligidagi viloyat ishchi guruhi Dehqonobod tumanida bo‘ldi.
O‘rganishlar davomida tuman tibbiyot birlashmasi, sport maktabi hamda Istiqlol, Do‘stlik, Oydin yo‘l, Bo‘ston, O‘zbekiston, Yashnobod va Paxtachi mahallalarida amalga oshirilayotgan qurilish va obodonlashtirish ishlari ko‘zdan kechirildi. Shuningdek, tumanda urbanizatsiya jarayonlarini jadallashtirish, zamonaviy infratuzilmani rivojlantirish, ko‘p qavatli uy-joylar qurish va tuman markazini shaharsozlik talablari asosida yanada rivojlantirish masalalari muhokama qilindi.
O‘rganish yakunida pudratchi tashkilotlar va mutasaddi rahbarlarga qurilish ishlari sifatini yanada oshirish, loyihalarni belgilangan muddatlarda yakunlash hamda kelgusida amalga oshiriladigan istiqbolli loyihalar yuzasidan tegishli topshiriqlar berildi.
Kanalga ulanish:
@Dehqonobodpress