Qashqadaryo viloyati Dehqonobod tumani hokimligi

Dehqonobodda pillachilik ishlari Prezident qarori ijrosi doirasida olib borilmoqda

Dehqonobod tumanida joriy yilgi pillachilik mavsumi uyushqoqlik bilan tashkil etilib, barcha jarayonlar tizimli ravishda olib borilmoqda. Hududda ipak qurti parvarishi, tut bargidan samarali foydalanish hamda sifatli pilla yetishtirish ishlari izchil davom etmoqda.

Mazkur ishlar O‘zbekiston Respublikasi Prezidentining ipakchilikni rivojlantirishga oid qarori (https://lex.uz/docs/8076435) ijrosini (https://lex.uz/docs/8076435) ta’minlash doirasida amalga oshirilmoqda. Ushbu qaror asosida sohani qo‘llab-quvvatlash, pillachilikni yanada rivojlantirish hamda aholi bandligini oshirishga qaratilgan aniq mexanizmlar joriy etilgan.

Xususan, tumanda pillachilarni qo‘llab-quvvatlash maqsadida ipak qurti urug‘lari yetkazib berildi, zarur agrotexnik tavsiyalar berilmoqda hamda pilla yetishtiruvchilar bilan shartnomalar asosida ishlash tizimi yo‘lga qo‘yilgan. Yetishtirilgan pilla mahsuloti belgilangan tartibda kafolatli xarid qilinib, o‘z vaqtida to‘lovlar amalga oshirilishi ta’minlanmoqda.

Shuningdek, qaror doirasida tutzorlarni kengaytirish, mavjudlarini parvarishlash, pillachilarni moddiy rag‘batlantirish hamda imtiyozli moliyaviy ko‘maklar ajratish ishlari ham izchil olib borilmoqda. Bu esa sohada barqarorlikni ta’minlash va aholi daromadlarini oshirishga xizmat qilmoqda.

Bugungi kunda Dehqonobod tumani pillachilari mavjud imkoniyatlardan samarali foydalangan holda, joriy mavsumni yuqori natijalar bilan yakunlashga intilmoqda. Hududda olib borilayotgan izchil ishlar, yaratilgan shart-sharoitlar va aholining fidokorona mehnati bu borada muhim omil bo‘lib xizmat qilmoqda.

Kanalga ulanish:
@Dehqonobodpress