Ayridevol mahallasida tokzorlar qator oralig‘iga poliz ekinlari ekish ishlari olib borilmoqda
2026-05-05 21:45:00 / Yangiliklar
Ayridevol mahallasida tokzorlar qator oralig‘iga poliz ekinlari ekish ishlari olib borilmoqda
Dehqonobod tumanining Ayridevol mahallasi Jingirdak uchastkasida amalga oshirilayotgan “drayver loyiha” doirasida daryo o‘zanidan hamda Dehqonobod sel suv omboridan nasoslar orqali suv chiqarilgani va suv saqlash rezervuari barpo etilgani haqida avval xabar bergan edik. (https://t.me/dehqonobodpress/44239)
Mazkur loyiha asosida lalmi iqlim sharoitiga mos, Samarqand ilmiy-tadqiqot institutidan keltirilgan tok ko‘chatlari 57 gektar maydonga ekilib, tokzorlar tashkil etilgan edi. (https://t.me/dehqonobodpress/44947)
Bugungi kunda ushbu hududda tokzor qator oralig‘iga poliz ekinlari — qovun, tarvuz va qovoq ekish ishlari olib borilmoqda.
Jarayon bilan tanishish maqsadida Dehqonobod tumani hokimi Sherzod Shokirov hududda bo‘lib, yer egalari hamda mahalla “yettiligi” a’zolari bilan uchrashdi. Uchrashuv davomida yer maydonlaridan samarali foydalanish, agrotexnik tadbirlarni o‘z vaqtida amalga oshirish hamda qo‘shimcha daromad manbalarini kengaytirish yuzasidan tavsiya va maslahatlar berildi.
Shuningdek, tuman qishloq xo‘jaligi bo‘limi mas’ullari tomonidan tokzorlarni parvarishlash, xususan, tagini yumshatish hamda lalmi iqlimga mos poliz ekinlarini to‘g‘ri joylashtirish bo‘yicha amaliy ko‘rsatmalar berildi.
Mazkur ishlar yer va suv resurslaridan samarali foydalanish, hosildorlikni oshirish hamda aholi daromadlarini ko‘paytirishga xizmat qilmoqda.
Kanalga ulanish:
@Dehqonobodpress