Qashqadaryo viloyati Dehqonobod tumani hokimligi

​Erta nikoh va qarindoshlar o‘rtasidagi nikohning salbiy oqibatlari muhokama qilindi

Dehqonobod tumanidagi 77-sonli umumiy o‘rta ta’lim maktabida yoshlar hayotiga daxldor dolzarb masalalarga bag‘ishlangan targ‘ibot tadbiri tashkil etildi.

Unda Din ishlari bo‘yicha tuman bosh mutaxassisi, ichki ishlar organlarining xotin-qizlar masalalari bo‘yicha inspektorlari hamda Ma’naviyat va ma’rifat markazi vakillari ishtirok etib, o‘quvchilar bilan ochiq muloqot o‘tkazdilar.

Tadbir davomida yaqin qarindoshlar o‘rtasidagi nikohning salbiy oqibatlari, xususan, irsiy kasalliklar va nogironlik xavfining ortishi masalalari hayotiy misollar asosida tushuntirildi. Shuningdek, erta turmushning qiz bolalar salomatligi, psixologik holati va ta’lim olish imkoniyatlariga salbiy ta’siri haqida atroflicha fikr yuritildi.

Uchrashuvda yoshlarni bo‘sh vaqtlarini mazmunli tashkil etishga yo‘naltirish, xususan, kitobxonlikni targ‘ib etish masalasiga ham alohida e’tibor qaratildi. Ta’kidlanganidek, badiiy adabiyot mutolaasi yoshlarning dunyoqarashini kengaytirish, ularni mustaqil fikrlaydigan va ma’naviy yetuk shaxs sifatida shakllantirishda muhim ahamiyat kasb etadi.

Mazkur tadbir yoshlar o‘rtasida sog‘lom turmush tarzini targ‘ib qilish, ularning huquqiy va ma’naviy bilimlarini oshirishga xizmat qildi.

Kanalga ulanish:
@Dehqonobodpress