Istiqlol va Sarchashma mahallalarida bahorgi ishlar uyushqoqlik bilan olib borilmoqda
2026-04-22 11:10:00 / Yangiliklar
Foto: Istiqlol va Sarchashma mahallalarida bahorgi ishlar uyushqoqlik bilan olib borilmoqda
Dehqonobod tumanining Istiqlol va Sarchashma mahallalarida bahorgi mavsumga xos qishloq xo‘jaligi ishlari izchil davom etmoqda.
Hududlarda agrotexnik tadbirlar doirasida daraxtlar parvarishi yo‘lga qo‘yilib, ularning tagi yumshatish, oqlash hamda ko‘chatlarni parvarishlash ishlari amalga oshirilmoqda. “Yashil makon” umummilliy loyihasi doirasida esa yangi ko‘chatlar ekilib, hududlarni yanada obodonlashtirish va ko‘kalamzorlashtirishga alohida e’tibor qaratilmoqda.
Shu bilan birga, mahallalarda mutasaddilar tomonidan xonadonbay yurilib, tomorqa maydonlaridan samarali foydalanish, poliz va oziq-ovqat ekinlarini ekish holati o‘rganilmoqda hamda fuqarolarga zarur tavsiyalar berilmoqda.
Mazkur ishlar orqali yer maydonlaridan unumli foydalanish, suv resurslarini tejash va hosildorlikni oshirishga erishish ko‘zda tutilgan.
Ta’kidlash joizki, tomorqa yerlaridan samarali foydalanish bo‘yicha olib borilayotgan targ‘ibot ishlari izchil davom ettirilmoqda. Ushbu yo‘nalishda yer maydonlaridan foydalanmagan fuqarolarga nisbatan amaldagi qonunchilik talablariga muvofiq choralar ko‘rilishi belgilangan.
Kanalga ulanish:
@Dehqonobodpress