Qashqadaryo viloyati Dehqonobod tumani hokimligi

#korrupsiya_taraqqiyot_kushandasi

Dehqonobod tumanida korrupsiyaga qarshi “Ochiq eshiklar kuni” o‘tkazildi

9-dekabr — Xalqaro korrupsiyaga qarshi kurash kuni munosabati bilan tasdiqlangan aksilkorrupsiya oyligi doirasida Dehqonobod tumani hokimligida “Ochiq eshiklar kuni” tadbiri tashkil etildi.

Tadbirda OAV vakillari, deputatlar, jamoatchilik vakillari ishtirok etib, tumanda korrupsiyaning oldini olish, ochiqlikni ta’minlash hamda zamonaviy aksilkorrupsiya mexanizmlarini joriy etish borasidagi faoliyat yuzasidan o‘z savollariga javob oldilar.

Uchrashuvda Dehqonobod tumani hokimi Sherzod Shokirov so‘zga chiqib, hokimlik faoliyatida shaffoflik, raqamlashtirish va korrupsiyaviy xavf-xatarlarni bartaraf etish ustuvor yo‘nalish etib belgilanganini ta’kidladi. Shuningdek, jamoatchilikdan kelgan takliflar tinglanib, tegishli mas’ullarga amaliy topshiriqlar berildi.

Tadbir tumanda korrupsiyaga qarshi kurashish ishlari ochiq, oshkora va jamoatchilik ishtirokida amalga oshirilayotganini yana bir bor namoyon etdi.

Kanalga ulanish:
@Dehqonobodpress