“Konstitutsiyani o‘rganamiz” madaniy-ma’rifiy va huquqiy targ‘ibot tadbirlari, “9 dekabr — Xalqaro korrupsiyaga qarshi kurashish kuni” munosabati bilan o‘tkazilayotgan Aksilkorrupsiya oyligi hamda “Zo‘ravonlikka qarshi 16 kunlik faol harakat” xalqaro kamp
2025-12-12 12:00:00 / Press-relizlar
“Konstitutsiyani o‘rganamiz” madaniy-ma’rifiy va huquqiy targ‘ibot tadbirlari, “9 dekabr — Xalqaro korrupsiyaga qarshi kurashish kuni” munosabati bilan o‘tkazilayotgan Aksilkorrupsiya oyligi hamda “Zo‘ravonlikka qarshi 16 kunlik faol harakat” xalqaro kampaniyasi davom etmoqda
Ayni kunlarda yurtimizda xalqimiz uchun muhim sanalardan biri — Konstitutsiyamiz qabul qilingan kunning 33 yilligi keng nishonlanmoqda. O‘zbekiston Respublikasi Prezidentining 2025-yil 21-noyabrdagi “O‘zbekiston Respublikasi Konstitutsiyasi kuni bayramiga tayyorgarlik ko‘rish va uni o‘tkazish to‘g‘risida”gi Farmoyishida korxona, tashkilot va muassasalarda “Konstitutsiyani o‘rganamiz”, “Konstitutsiya — adolat tantanasi” mavzularida tadbirlar o‘tkazish belgilangan.
Mazkur topshiriqlardan kelib chiqib, sud organlari tomonidan tuman miqyosida turli madaniy-ma’rifiy va huquqiy targ‘ibot ishlari izchil davom ettirilmoqda.
Shu doirada yaqinda Jinoyat ishlari bo‘yicha Dehqonobod tuman va Qarshi shahar sudlari hamkorligida “Temiryulinfratuzilma” AJ “Qarshi mintaqaviy temir yo‘l uzeli”da “Konstitutsiyani o‘rganamiz” mavzusida navbatdagi uchrashuv o‘tkazildi.
Tadbirda Qarshi shahar sudi raisi B. Diyorov hamda Dehqonobod tuman sudi raisi Sh. Baxtiyorovlar so‘zga chiqib, Konstitutsiyaning yangi tahriri, undagi “inson–jamiyat–davlat” tamoyilining ustuvorligi, sud-huquq sohasidagi islohotlar haqida batafsil tushuntirish berdi.
Shuningdek, “9 dekabr — Xalqaro korrupsiyaga qarshi kurashish kuni” munosabati bilan o‘tkazilayotgan Aksilkorrupsiya oyligi doirasida korrupsiyaning kelib chiqish sabablari, pora olish, pora berish va poraga vositachilik qilishning barchasi jinoyat ekanligi, fuqarolarning huquqiy savodsizligi, beparvoligi va e’tiborsizligi korrupsiyaga zamin yaratishi haqidagi fikrlar bayon qilindi.
Qo‘shimcha ravishda “Firibgarlik jinoyati” haqida ham tushuntirishlar berildi
Uchrashuv davomida firibgarlik jinoyati mohiyati, uning qanday shakllarda sodir etilishi, fuqarolarning hushyor bo‘lishi zarurligi ta’kidlandi. Xususan:
🔹 turli pul mablag‘larini aldov yo‘li bilan qo‘lga kiritish,
🔹“ishni hal qilib berish”, “imtiyoz olib berish”, “kredit chiqarib berish” kabi va’dalar orqali odamlarni chalg‘itish,
🔹 internet orqali amalga oshirilayotgan firibgarlik holatlari kengayib borayotgani,
🔹 firibgarlik — Jinoyat kodeksining 168-moddasiga ko‘ra og‘ir javobgarlikka sabab bo‘lishi aytib o‘tildi.
Mazkur jinoyatlarning oldini olish uchun fuqarolar har bir harakatni qonuniy yo‘l bilan hal etishi, tanish-bilishlar vositasida ish bitirishga urinmasligi, shubhali takliflarga uchmasligi kerakligi alohida urg‘u bilan tushuntirildi.
Bundan tashqari, “Zo‘ravonlikka qarshi 16 kunlik faol harakat” xalqaro kampaniyasi doirasida xotin-qizlarni qo‘llab-quvvatlash, ularni tazyiq va zo‘ravonlikning har qanday shakllaridan himoya qilish tizimi haqida ham ma’lumotlar berildi. Oila ichidagi (maishiy) zo‘ravonlik uchun Jinoyat kodeksiga 126-1-modda, Ma’muriy javobgarlik to‘g‘risidagi kodeksga 59-2-moddaning kiritilgani, ularning amaliy qo‘llanishi yuzasidan aniq misollar keltirildi.
Tashkil etilayotgan bunday uchrashuvlar ishtirokchilarda chuqur taassurot qoldirib, ularning konstitutsiyaviy bilimlarini mustahkamlashga, jamiyatda korrupsiyaga qarshi murosasiz muhit shakllanishiga, firibgarlik holatlarining oldini olishga hamda oila ichidagi zo‘ravonlikka chek qo‘yilishiga xizmat qilmoqda.
Kanalga ulanish:
@Dehqonobodpress