O‘zbekiston Respublikasi davlat mustaqilligining 35 yilligi arafasida Dang‘ara tumanida bir guruh oilalar farzandlariga maktab formalari topshirildi.
2026-08-21 10:00:00 / Yangiliklar
Mehr va saxovat — ezgulikning yorqin namunasi
O‘zbekiston Respublikasi davlat mustaqilligining 35 yilligi arafasida Dang‘ara tumanida bir guruh oilalar farzandlariga maktab formalari topshirildi.
🔷Tuman hokimligida tashkil etilgan tadbirda O‘zbekiston Mahalla xayriya jamoat fondi Farg‘ona viloyati bo‘limi raisi Akramjon Yulbarsov ishtirok etib, yurtimizda inson qadrini ulug‘lash, aholini ijtimoiy qo‘llab-quvvatlash borasida amalga oshirilayotgan keng ko‘lamli islohotlar haqida so‘z yuritdi.
🔷Shuningdek, O‘zbekiston Mahalla xayriya jamoat fondi tomonidan oziq-ovqat mahsulotlari hamda uy-joylarini qayta ta’mirlash uchun qurilish resurslari topshirildi.
🔷Mustaqilligimizning 35 yilligi arafasida amalga oshirilayotgan bunday xayrli ishlar bayram shukuhi bilan bir qatorda, xalqimiz qalbida ezgulik, birdamlik va kelajakka ishonch tuyg‘ularini yanada mustahkamlashga xizmat qilmoqda.