Farg'ona viloyati Dang'ara tumani hokimligi

Pishqaron mahalla fuqarolar yig‘ini hududida joylashgan Xalq qabulxonasi Dang‘ara tumani hokimi tomonidan aholi bilan ochiq muloqotni ta’minlash, fuqarolarning murojaatlarini bevosita o‘rganish hamda ularni qiynayotgan muammolarga amaliy yechim topish maqsadida navbatdagi shaxsiy qabul o‘tkazildi.

🔷Qabulda tuman hokimining o‘rinbosarlari, xalq deputatlari Dang‘ara tuman Kengashi raisi va deputatlari, shuningdek, tegishli davlat tashkilotlari rahbarlari ishtirok etib, fuqarolarning murojaatlari belgilangan tartibda ko‘rib chiqildi.

🔷Muloqot davomida fuqarolar tomonidan ijtimoiy masalalar, bandlik va tadbirkorlik, kommunal xizmatlar, infratuzilmani yaxshilash, yo‘llarni ta’mirlash, elektr energiyasi va ichimlik suvi ta’minoti, yer munosabatlari hamda boshqa dolzarb masalalar yuzasidan murojaatlar bildirildi.

🔷Har bir murojaat alohida o‘rganilib, muammolarni hal etish imkoniyatlari mas’ul mutasaddilar ishtirokida muhokama qilindi. Ayrim masalalar yuzasidan mas’ullarga joyiga chiqqan holda o‘rganish, fuqarolarga amaliy ko‘mak ko‘rsatish va belgilangan muddatlarda natijasi haqida axborot berish bo‘yicha aniq topshiriqlar berildi.