Dang‘ara tumanida xotin-qizlarning ma’naviy-intellektual salohiyatini yuksaltirish, kitobxonlik madaniyatini targ‘ib etishga qaratilgan ma’rifiy tadbir tashkil etildi.
2026-08-17 09:00:00 / Yangiliklar
Dang‘ara tumanida xotin-qizlarning ma’naviy-intellektual salohiyatini yuksaltirish, kitobxonlik madaniyatini targ‘ib etishga qaratilgan ma’rifiy tadbir tashkil etildi.
🔷“Katta turk” MFY hududida joylashgan Madaniyat markazida “Kitobxon mahalla xotin-qizlar faoli” ko‘rik-tanlovi bo‘lib o‘tdi. Unda mahallalarda faoliyat yuritayotgan, kitob mutolaasiga qiziqishi va intellektual salohiyati bilan ajralib turadigan xotin-qizlar ishtirok etdi.
🔷Har bir shart ishtirokchilarning bilim saviyasi, teran fikrlashi, notiqligi, ijodkorligi va kitobga bo‘lgan mehrini namoyon etishiga xizmat qildi. Ishtirokchilarning chiqishlari hakamlar hay’ati tomonidan belgilangan mezonlar asosida baholab borildi.
🔷Tanlov yakunida faol, bilimdon va zukko kitobxon xotin-qizlar tuman hokimligi tomonidan faxriy yorliq hamda esdalik sovg‘alari bilan taqdirlandilar.