Dang‘ara tumanida bog‘dorchilik sohasini yanada rivojlantirish, samarasiz va hosildorligi past bog‘larni yangilash hamda zamonaviy intensiv bog‘lar barpo etish ishlarini jadallashtirish maqsadida ko‘rgazmali amaliy seminar tashkil etildi.
2026-07-08 14:25:00 / Yangiliklar
Dang‘ara tumanida bog‘dorchilik sohasini yanada rivojlantirish, samarasiz va hosildorligi past bog‘larni yangilash hamda zamonaviy intensiv bog‘lar barpo etish ishlarini jadallashtirish maqsadida ko‘rgazmali amaliy seminar tashkil etildi.
🔷Seminar Dang‘ara tumani hokimi rahbarligida o‘tkazilib, unda tegishli tashkilotlar rahbarlari, qishloq xo‘jaligi sohasi mutaxassislari hamda fermer xo‘jaligi rahbarlari ishtirok etdi.
🔷Seminar boshida ishtirokchilarga O‘zbekiston Respublikasi Prezidentining “Sanoat usulidagi intensiv mevali bog‘lar barpo etish va eskirgan bog‘larni yangilashni qo‘llab-quvvatlash chora-tadbirlari to‘g‘risida”gi PF–108-son Farmonining mazmun-mohiyati atroflicha tushuntirildi.
🔷Tadbir davomida samarasiz bog‘lardagi daraxtlarni olib tashlash va ular o‘rnida yuqori hosildor, eksportbop navlardan iborat intensiv bog‘lar tashkil etish bo‘yicha amaliy ko‘rsatmalar berildi.
🔷Shuningdek, yer maydonlarini sifatli tayyorlash, intensiv agrotexnologiyalarni to‘g‘ri qo‘llash, tomchilatib sug‘orish tizimlarini keng joriy etish hamda suv resurslaridan samarali foydalanish masalalari yuzasidan mutaxassislar tomonidan atroflicha tushuntirishlar va amaliy tavsiyalar berildi.