Dang‘ara tumanida Davlat dasturi asosida irrigatsiya infratuzilmasi takomillashtirilmoqda
2026-06-19 11:30:00 / Yangiliklar
Dang‘ara tumanida Davlat dasturi asosida irrigatsiya infratuzilmasi takomillashtirilmoqda
🔷Dang‘ara tumanida Davlat dasturi asosida irrigatsiya tizimlarini modernizatsiya qilish, suv resurslaridan oqilona foydalanish va qishloq xo‘jaligi yerlarining meliorativ holatini yaxshilashga qaratilgan keng ko‘lamli ishlar amalga oshirilmoqda.
🔷Bugungi kunda Kapasaroy, Oqjar va Taptiqsaroy mahalla fuqarolar yig‘inlari hududida joylashgan 1500 gektar qishloq xo‘jaligi yer maydonlari, fermer xo‘jaliklari ekinzorlari, aholi tomorqalari hamda ijara asosida foydalanilayotgan yerlarni barqaror suv bilan ta’minlash maqsadida beton qoplamali ariq qurilishi ishlari olib borilmoqda.
🔷Mazkur loyihaning amalga oshirilishi natijasida sug‘orish tarmoqlarida suv yo‘qotilishining oldi olinadi, suvdan foydalanish samaradorligi oshadi hamda fermer va dehqon xo‘jaliklarining ekin maydonlarini o‘z vaqtida va sifatli sug‘orish imkoniyati kengayadi.
🔷Shuningdek, yerlarning meliorativ holati yaxshilanib, qishloq xo‘jaligi mahsulotlari hosildorligini yanada oshirish uchun mustahkam zamin yaratiladi.