Yoshlar kelajagi — sog‘lom hayotda: Dang‘arada giyohvandlikka qarshi ma’naviy tadbir
2026-02-12 12:00:00 / Yangiliklar
🔷“Yoshlar orasida giyohvandlik vositalari va psixotrop moddalar tarqalishining oldini olish” oyligi doirasida Dang‘ara tuman 1-son politexnikumida yoshlar o‘rtasida sog‘lom turmush tarzini targ‘ib etish, giyohvandlik hamda psixotrop moddalarning zararli oqibatlari haqida tushuncha berish maqsadida ma’naviy-ma’rifiy tadbir tashkil etildi.
🔷Tadbirda tuman hokimi, huquqni muhofaza qiluvchi organlar,tuman Kengashi deputatlari, tuman imomi, tibbiyot sohasi vakillari, pedagoglar, o‘quvchilar, ularning ota-onalari, hamda jamoatchilik vakillari ishtirok etdilar.
🔷Tadbir davomida so‘zga chiqqanlar tomonidan giyohvandlik va narkojinoyatchilikning og‘ir oqibatlari, yoshlarning bo‘sh vaqtlarini mazmunli tashkil etish, sport va madaniyatga jalb qilish, ota-onalarning farzand tarbiyasidagi mas’uliyati haqida atroflicha fikr bildirildi.
🔷Tadbir davomida mavzuga mos sahna ko‘rinishlari namoyish etildi, tarbiyaviy ahamiyatga ega videoroliklar ko‘rsatildi hamda yoshlar tomonidan ijro etilgan qo‘shiqlar ishtirokchilarda katta taassurot qoldirdi