Dang‘arada mahallalar xavfsizligini ta’minlashga qaratilgan qaror mazmun-mohiyati tushuntirildi
2026-01-19 10:00:00 / Yangiliklar
O‘zbekiston Respublikasi Prezidentining 2026 yil 5 yanvarda qabul qilingan “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi qaror mazmun-mohiyatini aholi va mas’ul tashkilotlar o‘rtasida keng targ‘ib etish maqsadida Dang‘ara tumani hokimligida uchrashuv bo‘lib o‘tdi.
Uchrashuvda viloyat hokimining o‘rinbosari, viloyat Ichki ishlar boshqarmasi boshlig‘ining o‘rinbosari, Dang‘ara tuman hokimi, tuman tashkilot va muassasalari rahbarlari, mahalla “yettiligi” a’zolari ishtirok etdi.
Tadbir davomida mazkur qarorning asosiy maqsad va vazifalari, mahallalarda jamoat xavfsizligini ta’minlash, huquqbuzarliklarning oldini olish, ijtimoiy muammolarni barvaqt aniqlash hamda ularni manzilli hal etishga qaratilgan yangi tizimning afzalliklari atroflicha tushuntirib berildi.
Shuningdek, tuman prokurori tomonidan tumanda umumiy jinoyatchilik holati, sodir etilgan jinoyatlar va huquqbuzarliklar, ushbu xavfli illatlarni keltirib chiqargan sabablar va shart-sharoitlar aniq tahlillar asosida tanqidiy muhokama qilindi.
Tadbirda qaror ijrosini ta’minlashda mahallaning o‘rni, idoralararo hamkorlikni yanada kuchaytirish, profilaktik ishlar samaradorligini oshirish, aholi bilan ochiq muloqot olib borish muhimligi alohida ta’kidlandi.